Matapos i-ban sa Ninoy Aquino International Airport ang driver na nag-viral dahil sa pangongontrata sa Filipino-American vlogger niyang pasahero.

Muling nag-inspeksyon kahapon ng hapon si Manila International Airport Authority General Manager Ed Monreal sa mga terminal ng paliparan upang paalalahanan ang mga driver na huwag pilitin ang mga pasaherong magbayad ng fixed rate.

Pero apela ng ilang driver kay Monreal, sana ay huwag idamay sa pagkakamali ng iba ang mga matitinong taxi driver na bumibyahe sa paliparan.

Ayon naman sa ilang driver, sila na mismo ang magsusumbong kay Monreal kung may mga kasamahan silang driver na nangongontrata sa mga pasahero.

Aminado naman si Monreal na nangyayari ang pangongontrata ng mga tiwaling taxi driver kapag sila ay nakalabas na ng paliparan.

Maari namang ipagbigay-alam sa MIAA ang mga tiwaling taxi drivers.

( Mai Bermudez / UNTV Correspondent )

Tags: MIAA GM Monreal, NAIA