Bumisita ngayong martes sa Malakanyang si Miss Universe Pia Wurtzbach upang mag-courtesy call kay Pangulong Benigno Aquino the third.
Winelcome siya ng ilang miyembro ng gabinete at ng pangulo sa president’s hall ng palasyo ng Malakanyang.
Tumagal ng halos isang oras ang naging paguusap nina Pangulong Aquino at Miss Pia.
Ayon kay Pia, nagkamustahan sila ni Pangulong Aquino at nagkwentuhan
Nagbigay naman ng mensahe si Pia sa mga botante para sa paparating na eleksyon.
“Well i hope that we elect the right people because it’s going to shape the country for the next couple of years, so it’s very important, my advice would be, kilalanin niyo pong mabuti yung mga iboboto niyo, dapat po magaan sa loob niyo,dapat magaan sa loob niyo kung sino ang mga iboboto niyo, hindi po sapilitan.” Pahayag ni Wurtzbach
Kwento pa ni Pia, masaya siyang nakauwi ng Pilipinas at hindi niya nakalilimutan ang kaniyang pinanggalingan at mga pinagdaanang mga hamon bago maabot ang tagumpay.
Umaasa si Miss Universe Pia, na magsisilbi siyang halimbawa sa mga kabataan sa pamamagitan ng pagsusulong ng kaniyang mga adbokasiya.
(Nel Maribojoc/UNTV News)
