Maglalabas ng panibagong infomercial ang MTRCB sa Marso.

Pagtutuunan nito ng pansin ang violence na natututunan ng bata sa panonood ng tv o pelikula.

Ayon kay MTRCB Chairman Eugenio Villarreal, taon taon ay nagpapalabas sila ng infomercial para sa matalinong panood ng publiko.

Noon pa man ay ipinopromote na nila anya ang paggabay ng magulang sa panonood ng TV at pelikula ng kanilang mga anak dahil madali anyang naa-adopt ng mga bata ang kanilang napapanood.

Bukod dito ay ilalabas din ngayong taon ang pictographs at advisories ng MTRCB sa Ilocano, Bisaya, Bicol at iba’t ibang dialekto ng bansa upang paigtingin ang kampanya ng ahensya na matalinong panonood

Malaki ang nagiging epekto ng mga palabas sa kaisipan at ugali ng mga bata kung kaya’t payo ng MTRCB na palaging subaybayan at gabayan ng magulang ang panonood ng kanilang mga anak.

(Macky Libradilla / UNTV Radio Reporter)

Tags: bagong infomercial, Marso, MTRCB