Nagpaalala ang Commission on Elections sa publiko na simula ngayong araw ay muli nitong bubuksan ang voters registration para sa barangay at Sangguniang Kabataan elections sa susunod na taon.

Kahit na tatagal ng limang buwan ang kanilang itinakdang schedule ng pagpaparehistro, hinihikayat ng COMELEC ang mga botante na magparehistro ng maaga.

Ayon sa COMELEC, tatanggap sila ng aplikasyon mula Lunes hanggang Sabado mula alas otso ng umaga hanggang alas singko ng hapon.

Magbubukas din sila kahit na holiday maliban na lamang sa December 24 at 25 at sa April 13 at 14.

Tinatayang nasa limang milyong botante ang inaasahan ng COMELEC na magpaparehistro sa muling pagbubukas ng voters registration.

Tags: Muling pagbubukas ng voters registration, simula na ngayong araw