METRO MANILA – Naghain ng Petition for Mandamus sina dating Commission on Election (COMELEC) Commissioner Gus Lagman at dating DICT Secretary Eliseo Rio sa Korte Suprema kahapon (November 3).
Hiniling nila sa Supreme Court na mag-isyu ng Temporary Restraining Order (TRO) upang obligahin ang COMELEC, Smartmatic at Telco companies na Globe, Smart at DITO na huwag burahin, i-alter kundi i-preserve ang transmission logs ng election results noong May 9, 2022 national and local elections.
Nais din nilang magpaliwanang COMELEC sa anila’y mabilis na transmission ng resulta noong 2022 elections.
Samantala, ayon naman sa COMELEC, welcome development para sa kanila ang petisyon upang mabigyan sila ng pagkakataon na makasagot.
Handa rin aniya silang sumunod kung anoman ang utos o proseso ng kataas-taasang hukuman.
(Dante Amento | UNTV News)
Tags: 2022 Election, Supreme Court
Batay sa ruling o desisyon na sinulat ni Supreme Court Associate Justice Antonio Kho, Jr., nilabag ng Republic Act 11935 o ang batas nagpo-postpone sa December 2022 Barangay at Sangguniang Kabataan Elections (BSKE) ang karapatan ng mamamayan na bumoto o pumili ng kanilang mga lider sa ilalim ng ating saligang batas.
Sang-ayon sa Republic Act 11935, naiurong ng October 30, 2023 ang halalan sa halip December 5, 2022 batay sa orihinal schedule. Binigyang diin ng korte, ang malayang karapatan sa pagboto ay nangangailangan ng regular na pagsasagawa ng halalan.
Pinuna rin ng korte ang layunin ng mga panukalang batas na inihain sa kongreso para i-postpone ang eleksyon ay dahil ay ire-allign ang nakalaang pondo ng Commission on Elections (COMELEC) para gamitin sa mga proyekto ng ehekutibo na paglabag din sa saligang batas.
Sa desisyon ng korte, nilinaw nito na tuloy na ang BSKE sa darating na Oktubre 30, 2023.
Dagdag pa ng SC, nagkaroon ng grave abuse of discretion ang kongreso sa pagpapasa ng batas.
Wala ring kapangyarihan ang COMELEC na magpapaliban ng eleksyon ito ay nasa kongreso lamang.
Nakasaad din sa desisyon ng kataas-taasang hukuman na ang susunod na Barangay at SK Elections ay gagawin sa unang Lunes ng December 2025 at kada tatlong taon pagkatapos.
Samantala, sa huli nagbigay naman ng criteria o mga pamantayan sa pagpapaliban ng halalan. Dapat ito ay may sapat at matibay na batayan na ang layunin ay mapangalagaan ang karapatan ng mga mamamayan na bumuto. Malaya silang makaboto sa isang maayos, payapang halalan.
Dante Amento, UNTV News
Tags: BSKE, COMELEC, Supreme Court
Mula sa 11,402 na mga kumuha ng 2020-2021 bar examinations nitong February 2022, nasa 8,241 ang mga nakapasa sa pagsusulit at opisyal nang makapanunumpa bilang mga bagong abogado. Katumbas ito ng 72.28 percent na passing rate.
Ayon kay Supreme Court Associate Justice Marvic Leonen na siyang tumatayong chairman ng 2020-2021 bar examinations, naging pagsubok din ang ginanap na bar exam dahil ilang beses itong naantala dahil sa Covid-19 pandemic. Ito aniya ang kauna-unahang digitalized at localized bar examinations na ginanap sa Pilipinas.
At upang makatulong sa bar takers, may mga pagbabagong ipinatupad ang Korte Suprema sa proseso ng pagsusulit, mas pinaikli ang exam sa dalawang araw mula sa dating apat na araw.
Tumagal na lamang rin ng dalawang buwan bago inilas ang resulta ng exam kumpara sa dati na inaabot ng limang buwan. Dagdag pa rito ang pagbago sa grading system.
Ayon kay Associate Justice Leonen, nais nilang alisin ang ranking system dahil hindi aniya kompetisyon ang pagkuha ng bar exam.
Dahil dito, wala nang inanunsyo ang Korte Suprema ng top 10 bar passers. Sa halip, naglabas sila ng ranking para sa mga paaralang nakapagtala ng maraming bar passers.
“The top 10 is articficial, because 90.0133% is not different from 90.0134%. Ganoon kalapit iyong grades and to make a hierarchy, mahirap because you’re enodwing endowing, entitling number 3 as being better than number 4. What counts is the performance of law schools. Kasi iyon ang ine-evaluate natin. Can they really make bar passers, more particularly exemplary passers, etc. That’s why I added the law schools,” ayon kay Marvic Leonen, Associate Justice, Supreme Court.
Kapwa nanguna ang Ateneo de Manila University at University of the Philippines sa dami ng mga nakapasa at nag-excel sa bar exams.
Nakapagtala ang Ateneo de Manila University ng 99.64 percent passing rate habang pumangalawa naman ng University of the Philippines na mayroong 98.84 percent.
Ang San Beda University naman ay mayroong 98.10 percent passing rate. 98 percent flat naman ang University of San Carlos, habang 93.05 percent naman ang University of Santo Tomas.
Nangunguna naman ang University of the Philippines sa may pinakamaraming bilang ng exemplary at excellent passers. Ito ang mga nakakuha ng score na mas mataas sa 85 percent.
Sa May 2 gaganapin ang oath taking ng mga nakapasang bar takers sa Mall of Asia Arena.
Samantala, napili naman ng Korte Suprema si Associate Justice Alfredo Benjamin Caguioa bilang susunod na bar chairman.
“We’ve announced already that we will continue with the digitalized also, regionalized—although not the same number of regions right now, baka 15 testing centers lang kami all over the Philippines,” ani Assoc. Justice Alfredo Cagiuoa, Supreme Court.
Sa ngayon pinagaaralan pa kung kailan gaganapin ang 2022 bar examinations, ngunit plano itong gawin ng Supreme Court sa darating na Nobyembre.
Aileen Cerrudo | UNTV News
Tags: 2020-2021 bar examinations, Supreme Court, Supreme Court Associate Justice Marvic Leonen
METRO MANILA – Maagang nagbabala ang Department of Interior and Local Government (DILG) sa mga kandidato ukol sa ano mang uri ng physical contacts sa nalalapit na campaign period ngayong February 8 – March 25 para sa gaganaping Election 2022 ngayong Mayo 9.
Sa Talk to the People Address ni Pangulong Duterte, sinabi ni DILG Secretary Eduardo Año, hindi pinahihintulutan ang ano mang uri ng physical contact, mga lumalabag sa Minimum Health Public Protocols (MPHS) sa paligid ng kandidato katulad ng pagkukumpulan, pagbibigay ng pagkain, gamit, pera at iba pa.
“Ang ano mang uri ng physical contact na ito ay hindi din pinapahintulot sa mga caucuses, meetings, conventions, rallies at miting de avance base sa Citing Section 15 ng Commision on Election (COMELEC)” ani DILG Secretary Eduardo Año .
Maaari ding patawan ang mga kandidato ng paglabag sa ordinansa ng LGUs base sa Republic Act 11332 o Mandatory Reporting of Notifiable Diseases and Health Events of Public Concern.
Sa ilalim ng Comelec Resolution No. 10732, limitado ang campaign activities base sa kasalukuyang alert level status na ipinatutupad sa isang tiyak na lugar.
Inatasan din ang Philippine National Police (PNP) na panatilihing mapayapa at maayos ang nalalapit na campaign period.
(Ritz Barredo | La Verdad Correspondent)
Tags: 2022 Election, Campaign period, COMELEC
