Nagdagdag ng security personnel sa loob ng Ninoy Aquino International Airport kasunod ng pagsabog sa Brussels airport kahapon.
Kabilang na sa mga idineploy ay ang mga miyembro ng philippine National Police Aviation Security Group at K9 units.
Inatasan ang mga ito na mas maging mapagmatyag sa loob ng paliparan.
Mas pinaigting din ang security checkpoints hindi lang sa loob, kundi maging sa labas ng NAIA.
(Darlene Basingan / UNTV Correspondent)
