Nasugatan sa banggaan ng motorsiklo at hilux sa Davao, tinulungan ng UNTV News and Rescue Team

by Radyo La Verdad | September 8, 2015 (Tuesday) | 1180

TMBB DAVAO
Nirespondehan ng UNTV News and Rescue Team ang isang aksidente sa Crossing Torres, Palma Hill Street sa Davao City pasado alas-dose kaninang madaling araw.

Nadatnan ng grupo ang biktimang si Dones Maraya, 21-anyos, habang iniinda ang tinamong gasgas sa braso at pananakit ng dibdib matapos mabangga ng isang hi-lux.

Batay sa inisyal na imbestigasyon ng mga otoridad, papunta sa downtown Obrero ang hi-lux habang ang motorsiklo naman ay papalabas sa Crossing Torres Street nang mangyari ang salpukan.

Matapos lapatan ng paunang lunas ay tumanggi nang magpahatid sa ospital si Maraya.

Ligtas at wala namang tinamong sugat ang driver ng hi-lux na si George Arquize, 51-anyos.

Muli namang paalala ng mga otoridad sa mga motorista na mag-ingat sa pagmamaneho upang makaiwas sa aberya.

Tags: ,