METRO MANILA – Tuloy ang masusing validation ng National Disaster Risk Reduction and Management Council (NDRRMC) sa bilang ng mga nasawi sa pananalasa ng bagyong Odette sa bansa.
Ayon sa NDRRMC nais nilang masiguro na sa bagyo talaga namatay ang mga nai-uulat na nasawi.
Base sa ulat ng NDRRMC, nasa 58 pa lamang ang naitala nilang namatay, 199 ang nasugatan at 18 ang nawawala.
Habang ang Philippine National Police, nakapagtala na ng 375 na nasawi… 500 na nasugatan at 56 nawawala.
Nasa 276,522 na pamilya katumbas ng 997,665 na indibidwal ang inilikas.
Mayroong 3, 803 na nasirang mga bahay… nasa mahigit sa P225-M halaga na ang nasira sa imprastraktura at mahigit 5,000 ektarya na ng agrikultura.
Nagdeklara na rin ng State of Calamity ang ilang lugar sa Caraga dahil sa epekto ng bagyo.
Tiniyak naman ng NDRRMC na makatatanggap ng tulong ang pamilya ng nasawi at nasugatan.
Nasa P900-M ang naka standby na pondo ang pamahalaan na para dito.
“We want to make sure that all this details verified and validated because yung mga pamilya po ng mga naiwan o mismong mga na injured po mismo ay meron pong financial assistance na matatanggap po sa pamahalaan because of the accidents that they have encountered” ani NDRRMC Spokesperson, Mark Timbal.
(Lea Ylagan | UNTV News)
METRO MANILA – Bumaba ang bilang ng krimen sa Davao City ngayong taon batay sa record ng Davao City Police Office.
Mula January hanggang May 2024, umabot lamang sa 1,759 ang naitalang crime incident sa lungsod na mas mababa sa kaparehong period noong nakaraang taon na 1,831 cases.
Nangunguna parin dito ang mga kaso ng pagnanakaw, pagpatay at rape.
Bumaba rin ang bilang ng mga naiuulat na index crime ngayong 2024 tulad murder, homicide, physical injury, rape, robbery, theft at carnapping.
Ayon sa Davao City Police, ang pagbaba ng krimen ay dahil sa maigting na pagpapatupad ng police operation at peace and order sa lungsod.
Sa kabila rin ito ng isyung kinaharap ng Davao City PNP tulad sa paghahanap sa Religious Group Leader na si Apollo Quiboloy at sa kamakailang pag-relieve sa 35 pulis sa kanilang dako.
Patunay lamang ito na nanatili paring isa sa safest city sa Asia ang Davao City.
Tags: crime rate, Davao, PNP
METRO MANILA – Nagbabala ang Bureau of Immigration (BI) sa mga dayuhan laban sa paggawa ng bomb jokes dahil maaaring ma-deny ang kanilang pagpasok sa bansa, o kaya naman ay ma-deport.
Ayon kay BI Commissioner Norman Tansingco, hinihikayat ng ahensya ang mga foreigner na iwasan gumawa ng anomang pahayag o biro na maaaring ituring na banta sa seguridad.
Inilabas ng ahensya ang pahayag matapos na maantala ng 5 oras ang Japan-bound flight ng Philippine airlines PR412 matapos na makatanggap ng bomb threat call ang airport authority mula sa hindi nagpakilalang babae.
Tags: BI, Bomb Jokes, PNP
METRO MANILA – Ipinagbabawal na ng Philippine National Police (PNP) ang pagkakaroon ng tattoo sa lahat ng uniformed at non-uniformed personnel nito.
Ayon kay PNP Public Information Office Chief PCol. Jean Fajardo, mayroong polisiya ang PNP na nagbabawal sa paglalagay ng tattoo sa katawan lalo na yung nakalabas sa uniporme.
Hindi naman tatanggapin ng PNP ang mga aplikante na mayroong tattoo kahit na nakatago ito sa katawan.
Binalaan naman ng pulisya ang mga hindi susunod sa polisiya na burahin ang mga visibile na tattoo sa katawan na isasailalim sila sa imbestigasyon.
