Umabot na sa isangdaan at walong milyng piso ang halaga ng pinsala sa imprastraktura ng lindol sa Surigao del Norte noong Biyernes na sinundan pa ng ilang malalakas na aftershocks.
Sa pinakahuling ulat ng National Disaster Risk Reduction and Management Council, wala pa ring kuryente ang mga lugar ng San Francisco, Malimono, Placer, sison, at Taganaan sa Surigao del Norte.
Nananatili ring suspindido ang klase sa lahat ng antas sa buong Surigao City.
Nagpapatuloy naman ang relief operations ng DSWD sa mga apektadong pamilya sa limamput apat na barangay na tinamaan ng kalamidad.
Panawagan ng ahensya sa mga residente na maging alerto lalo na sa inaasahang aftershocks upang wala ng iba pang masaktan o masawi.
(Grace Casin / UNTV Correspondent)
Tags: nagpaalala sa mga residente sa Surigao na manatiling alerto sa aftershocks, NDRRMC
METRO MANILA – Inilagay na sa red alert ng National Disaster Risk Reduction and Management Council (NDRRMC) ang 5 rehiyon sa Luzon bunsod ng banta ng bagyong Goring.
Ito ay ang Cordilleras, Ilocos, Cagayan Valley, Central Luzon at Mimaropa.
Ayon kay NDRRMC Spokesperson Edgar Posadas maging ang buong ahensya ay naka red alert upang matiyak na agad silang makakaresponde sa mga lugar na mangangailangan ng tulong.
Samantala, tiniyak ni Pangulong Ferdinand Marcos Jr. na nakatutok ang pamahalaan sa sitwasyon sa mga lugar sa Northern Luzon na nakararans ng malakas na ulan.
Nakahanda na rin aniya ang mga food pack na ipamamahagi sa mga apektadong residente.
Tags: NDRRMC
METRO MANILA – Lalo pang tumaas ang pinsala sa agrikultura at imprastraktura ng bagyong Egay.
Batay sa datos ng National Disaster Risk Reduction and Management Council (NDRRMC), umabot na sa P1.9-B ang halaga ng pinsala ng bagyo sa mga pananim.
Umaabot naman sa 114, 565 ang mga magsasaka at mangingisda ang naapektuhan ng bagyo.
Samantala, P3.5-B naman ang inisyal na pinsala ng bagyo sa imprastraktura.
Karamihan ng mga sinira ng bagyo ay mga daan, tulay, flood control, government facilities, mga paaralan, utility services facilities at iba pa.
Sa ngayon ay tuloy ang pagbibigay ayuda ng pamahalaan sa ating mga kababayan na naapektuhan ng bagyo.
Tags: Bagyong Egay, NDRRMC
METRO MANILA – Umabot na sa 16 ang mga nasawi dahil sa bagyong Egay at southwest monsoon o habagat.
Batay ito sa latest report ng National Disaster Risk Reduction and Management Council (NDRRMC) as of July 30.
1 sa mga nasawi ang kumpirmado, habang bineberipika pa ang 15.
52 naman ang mga napaulat na nasaktan at 20 ang nawawala.
Samantala, umabot na sa mahigit P1.5-B ang pinsala nito sa agrikultura.
Habang halos P10-M sa imprastraktura.
Nasa P64-M naman ang naibigay nang tulong sa mga naa-pektuhan ng bagyo.
