Nanindigan ang ilang Lumad tribe leaders na ang mga miyembro ng New People’s Army ang nasa likod ng mga nangyayaring kaguluhan sa manobo tribe at hindi ang militar.
Ginawa ang pahayag, matapos na lumabas ang balitang isang paramilitary force umano ang nasa likod ng pagpaslang sa executive director ng Alternative Learning Center for Agricultural and Livelihood Development at dalawa pang lider ng Manobo.
Ayon sa ilang human rights group –ang karapatan, ang magahat-bagani group ang nasa likod ng nasabing pamamaslang, at ang militar ang siyang nagsanay at nagbigay ng armas sa paramilitary force.
Ayon naman sa mga Lumad leader, mga livelihood projects ang ibinibigay sa kanila ng military at hindi military operation.
Kaya naman naniniwala ang mga ito na ang NPA ang nasa likod ng mga kaguluhang sa kanilang tribo dahil sa pagnanais ng mga ito na magkaroon ng sariling gobyerno.
Dagdag pa ng mga ito, bukod sa umano’y pamamaslang ay sari-saring karahasan pa ang nararanasan ng mga katutubo mula sa NPA.
Umaasa ang mga pinuno ng lumad na magsasagawa ang gobyerno ng masusing imbestigasyon sa naturang paspalang gayundin sa ibang pang karahasan na dinaranas umano sa kanilang komunidad.
Muli namang umapela sa pamahalaan ang mga naturang lumad leader na sana’y mawakasan na ang ginagawa ng mga npa sa kanilang komunidad dahil nais din naman nilang mamuhay ng normal at payapa.(Joan Nano/UNTV Correspondent)
Tags: lumad, New People’s Army
Manila, Philippines – Nagbabala si PNP Chief PGen. Oscar Albayalde sa halos 400 kandidato na nagbibigay ng suporta sa pamamagitan ng extortion money sa rebeldeng New People’s Army o NPA.
Ayon kay Albayalde, may listahan sila ng 394 na mga kandidato na nagbigay ng pera noong nakaraang eleksyon at patuloy na nagbibigay ng suporta sa rebeldeng grupo.
Kaya naman patuloy ang monitoring nila sa mga ito lalo nat nalalapit na ang midterm elections. Kabilang aniya sa nasa listahan nila na ibinigay ng DILG ay ang:
11 Provincial Governors
5 Vice Governors
10 Provincial Board Members
55 Mayors
21 Vice Mayors
41 Councillors
50 Brgy Councilors
126 Barangay chairmen
8 Other Brgy. Officials
“ Sa ngayon there are just being monitored, we have to get hard evidence para dito, this are all intelligence information that we get na meron tayong nakuhang information that they give extortion money to the cpp- npa” ani Pnp Chief PGen. Oscar Albayalde.
Babala ni Gen. Albayalde, maaaring kasuhan ang mga ito kung mahuhuling nagbibigay ng pera sa npa na kalaban ng estado.
Possible criminal liability for violation RA 10168 or the terrorism financing prevention and suppression act of 2012. If it is proven that fee is made as part of a conspiracy to overthrow the government, the donor may be held liable as co-conspirator of the crime of rebellion.
Dagdag ni PNP Chief , nasa P195.5 milyon pesos na ang nakolektang extortion money ng npa sa mga pulitiko simula noong 2016 hanggang 2018.
(Lea Ylagan – Untv News)
Tags: extortion, New People’s Army, Philippine National Police
Nanindigan ang Department of Education (DepEd) Region XI na wala itong inilabas na closure order sa Salugpongan community schools sa Talaingod, Davao del Norte.
Ito ay matapos magkasundo ang mga tribal leaders sa Talaingod na ipasara ang Salugpongan learning center sa kanilang kumonidad dahil iba na umano ang mga itinuturo sa mga studyante.
Ayon kay Jenielito Atillo, tagapagsalita ng DepEd XI, valid pa rin ang permit ng Salugpongan learning center para makapag-operate sa nasabing lugar.
Sinasabing sa learning center umano balak dalhin ng grupo ni Bayan Muna Rep. Satur Ocampo ang labing apat na menor de edad na kasama nila nang arestuhin sa checkpoint sa Barangay Sto.Nino, Tagalingod Davao del Norte madaling araw noong ika-29 ng Nobyembre.
Inaresto si Ocampo dahil wala umanong pahintulot ng mga magulang ang pagsama sa mga menor de edad.
Hinimok naman ng DepEd ang mga nagsasabing iba na ang itinuturo sa mga Lumad schools na maglabas ng ibidensya.
Nirerespeto naman ng DepEd ang desisyon ng mga tribal leaders at provincial government ng Talaingod na ipasara ang Salugpongan community schools.
Sa ngayon, pinag-aaralan na ng DepEd ang alternatibong paraan para hindi maantala ang pag-aaral ng mga Lumad sa lugar.
( Janice Ingente / UNTV Correspondent )
Tags: Davao del Norte, DepEd XI, lumad
Nagtungo sa Camarines Sur si Pangulong Rodrigo Duterte kagabi. Binisita nito sa ospital ang tatlong pulis na nasugatan sa pananambang sa convoy ng Food and Drug Administration (FDA) sa Brgy. Napolidan, Lupi Camarines Sur noong nakaraang Huwebes. Kinamusta ng Pangulo ang kalagayan ng mga ito at ginawaran ng Order of Lapu-Lapu Rank of Kampilan.
Personal ding nagpaabot ng kaniyang pakikiramay ang Pangulo sa pamilya nina SPO1 Percival Rafael Jr., PO3 Carlito Navaroza Jr. at PO1 Ralph Jason Vida, ang tatlong pulis na nasawi sa insidente.
Dumalaw ito sa burol PO1 Vida na nakalagak sa Camarines Sur Provincial Police Office at ginawaran ito ng Order of Lapu-Lapu Rank of Kalasag.
Ang Kalasag Medal ay ibinibigay sa mga opisyal, government personnel at pribadong indibidwal na nasawi dahil sa mga gawain na may kinalaman sa kampanya o adbokasiya ng Pangulo, habang ang Kampilan Medal naman ay para sa mga nasugatan.
Kasama naman ni Pangulong Duterte na dumalaw sa burol ni PO1 Vida si FDA Director General Nela Charade Puno na siyang inasistehan ng mga nasawi at nasugatang pulis.
Hindi na nagbigay ng pahayag sa media si Pangulong Duterte, ngunit ayon kay MGen. Jesus Manangquil, ang commanding general ng 9th Infantry Division Philippine Army, ibinilin umano ng Pangulo sa PNP at AFP ang pagpapaigting ng localized peace talks sa rebeldeng New People’s Army na itinuturong responsable sa pananambang.
Layon nitong mahikayat ang mga rebelde na magbalik-loob sa pamahalaan.
Bukas, alas nuebe y media ng umaga nakatakdang ilibing ang labi ni PO1 Vida sa Sto Niño Memorial Park, habang sa susunod naman na mga araw ang dalawa pang nasawing pulis.
( Allan Manansala / UNTV Correspondent )
Tags: FDA, New People’s Army, Pangulong Duterte
