Nagbitiw na sa pwesto si National Irigation Administration Administrator Peter Laviña.
Kinumpirma niya ito sa kaniyang facebook post at ayon sa kaniya, may ilang nagtangkang sirain ang kaniyang reputasyon at ipinapakalat na tumatanggap umano siya ng salapi mula sa mga NIA contractor.
Aniya, upang hindi madawit si Pangulong Rodrigo Duterte sa mga kontrobersyang ito, minabuti niyang umalis na lang sa kaniyang pwesto.
Dagdag pa nito, ipagpapatuloy niya ang kaniyang serbisyo publiko kahit wala na siya sa gobyerno.
Wala pang pormal na kumpirmasyon mula sa Office of the President kung tinanggap na ang resignation letter mula kay Laviña.
Si Laviña ang Presidential Campaign Spokesperson ni Pangulong Rodrigo Duterte.
Tags: nagbitiw, NIA, NIA Administrator Peter Laviña, pwesto
METRO MANILA – Aabot sa P29 per kilo ng bigas ang maaaring ibenta ng National Irrigation Administration (NIA) pagdating Agosto sa kadiwa centers ng ahensya.
Ayon kay NIA Administrator Eduardo Guillen, ibebenta ang bigas sa Metro Manila, Cebu at Davao.
Kada pamilya ay maaaring makabili ng hanggang 10 kilong bigas sa mga Kadiwa Center.
“Sa NIA naman mayroon din kaming project na malaki ngayon – iyong ating contract farming ano po and iyon, ganoon din ang ating ano. In fact, ang aming estimate diyan, mga nasa 29 pesos puwede na kaming magbenta, by August naman kami; and we have around 100 million kilos of rice na projected na ma-produce po natin by August.” ani National Irrigation Administration (NIA) Administrator Eduardo Guillen
METRO MANILA – Umabot na sa P5.9-B ang naging damage sa agrikultura ng bansa dahil sa patuloy na pag-iral ng El niño phenomenon.
Ayon sa kagawaran ng agrikultura, pinaka-malaki ang naitalang pinsala sa rice sector na umabot na sa P3.1-B na halaga ng pagkalugi.
Kabilang sa mga pinaka-napinsalang rehiyon sa bansa ang Mimaropa, Cordillera Administrative Region, at Western Visayas.
Ayon kay DA Assistant Secretary Arnel De Mesa, nakatulong sa pagpapagaan ng mga epekto ng El niño ang maagang pagpaplano, rehabilitasyon at mitigation measures ng kagawaran, partikular na ang sa National Irrigation Administration (NIA).
METRO MANILA – Tinutukoy na ng Department of Agriculture (DA) ang mga lugar na posibleng maapektuhan ng El Niño.
Sa press briefing ni DA Usec Leocadio Sebastian noong Biyernes (May 12) sa Malacañang, sinabi nito na may positibo at negatibong epekto ang El Niño sa agrikultura.
Sa mga lugar aniya na magkakaroon ng negatibong epekto ay doon sila maglalagay ng mga pamamaraan para maibsan ang epekto ng El Niño.
Pero may mga lugar naman aniya na gumaganda pa ang produksyon dahil sa matinding sikat ng araw.
Ayon kay Usec Sebastian, katulong ang National Irrigation Administration (NIA) ay pinagtatanim nila ng mas maaga ang mga magsasaka.
Inaasahang magiging maulan pa ang mga buwan na maguumpisa ang pag-iral ng El Niño sa Hunyo hanggang Agosto.
Sa huling bahagi pa aniya ng taon mararamdaman ang epekto ng El Niño na inaasahan namang tatawid sa unang bahagi ng 2024.
