METRO MANILA – Suspendido pa rin ngayong araw ang pagpapatupad ng number coding sa Metro Manila.
Nauna nang iniurong ng Malacanang ang deklarasyon ng holiday, dahil matataon ng Linggo ang April 9, na paggunita sa “Araw ng Kagitingan”.
Samantala, hanggang ngayong araw (April 10) na lang din papayagan ng MMDA na dumaan sa Edsa ang mga provincial bus.
Ayon sa MMDA ang lahat ng mga bus na mangagaling ng Northern Luzon ay dapat lamang na magbaba ng mga pasahero sa mga terminal sa Cubao Quezon City.
Habang ang mga bus naman na mangagaling ng Southern Luzon ay kinakailangang magbaba ng mga pasahero sa mga terminal sa Pasay City.
Tags: MMDA, NCR, number coding
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – May dagdag na 1 Linggong pataan ang Metropolitan Manila Development Authority (MMDA) sa mga E-bike at E-trike na dadaan sa national roads.
Ayon sa MMDA, sa susunod na Lunes, May 27 na nila sisimulan ang panghuhuli, paniniket, at pag-iimpound ng mga E-bike at E-trike.
Ipinaliwanag ni MMDA Acting Chairman Atty. Romando Don Artes napagdesisyunan ng ahensya na magsagawa pa ng 1 Linggong information drive.
Noong April 18 nang ipinag-utos ni Pangulong Ferdinand Marcos Jr. na bigyan pa ng 1 buwan na grace period ang mga E-bike at E-trike user dahil sa kakulangan ng awareness at daing na masyadong mataas ang multa na aabot sa P2,500.
Ayon sa MMDA, nabawasan na ang mga E-bike at E-trike users na nagtatangkang dumaan sa national roads sa loob ng nakalipas na 1 buwan na grace period.
Sa oras na maniket ang MMDA, 1,000 ang magiging multa sa mga E-bike at E-trike users kung meron silang dalang driver’s license habang 2,500 naman kung walang lisensya at ma-iimpound pa ang kanilang sasakyan
Tags: MMDA
METRO MANILA – Nagbigay ng grace period ang Metropolitan Manila Development Authority (MMDA) sa pagbabawal sa mga E-bike at E-trike na dumaan sa national road.
Ayon sa ahensya, sa May 18 na lang istriktong ipatutupad ang panghuhuli sa mga nasabing e-vehicles pero babala nito hindi ibig sabihin ay pwede nang magsamantala ang mga E-bike at E-trike na dumaan sa national roads sa loob ng itinakdang grace period.
Pinag-aaralan naman ngayon ng ahensya na maibalik sa mga may-ari ang na-impound na mga E-bike at E-trike nang hindi na magbabayad ng multa.
