Umaasa si Presidential Spokesperson Secretary Harry Roque na aaksyunan ng Office of the Ombudsman ang mga pinakahuling ulat ng Commission on Audit (COA) hinggil sa mga kwestyonableng transaksyon ng mga tanggapan ng pamahalaan.
Ito ang tugon ng Malacañang nang tanungin hinggil sa ulat ng COA na kumukwestyon sa ginastos na 627.29 libong piso para sa local travels ni Philippine Health Insurance Interim President Celestina Ma. Jude Dela Serna.
Bukod dito, kinuwestyon din ng COA ang Presidential Legislative Liaison Office (PLLO) sa pag-hire nito ng siyam na consultant noong 2017 kaya kinailangang gumastos ang tanggapan ng 3.07 million pesos.
Nahaharap din sa kontrobersya ngayon ang Department of Tourism (DOT) dahil sa 60 milyong piso na halaga ng tourism advertisement na inilagay sa programa ng kapatid ni Tourisim Secretary Wanda Teo sa PTV 4.
Hinikayat naman ni Roque, kung sapat ang ebidensya, dapat gampanan ng Ombudsman ang mandato nitong sampahan ng kaso sa korte ang mga opisyal ng pamahalaang kinakitaan ng paglabag sa anti-graft law.
( Rosalie Coz / UNTV Correspondent )
Tags: COA, Malacañang, Ombudsman
Mag-iisang taon na mula nang pasimulan ang Covid-19 vaccination sa Pilipinas, ngunit marami pa rin sa mga kababayan ang ‘di pa nababakunahan ayon kay Acting Presidential Spokesperson at Cabinet Secretary Karlo Nograles, kaya kahit na patuloy ang pagbaba ng Covid-19 cases sa bansa, hindi pa rin maaasahan na magdedeklara ang Duterte administration ng tagumpay kontra pandemiya.
“Mga kababayan, bagamat kapansin-pansin na nakakapagpahinga na tayo kahit papaano, maaga pa rin para magdeklara ng lubos na tagumpay kontra Covid-19,” pahayag ni Acting Presidential Spokesperson at Cabinet Secretary Karlo Nograles.
Muli namang iginiit ng Palasyo na mananatili ang implementasyon ng alert level system sa bansa.
Bago naman magdedeklara ng alert level 1 sa anumang bahagi ng Pilipinas, dapat matiyak na mataas na ang vaccination rate sa area na ito lalo na sa A2 o senior citizens at A3 o immunocompromised individuals.
Sisiguraduhin ding pinaiiral pa rin ang minimum public health standards kahit sa pinakamababang alert level system.
Sa ngayon, moderate risk na sa Covid-19 ang Metro Manila at pinasalamatan ng palasyo ang publiko sa pakikiisa sa pamahalaan upang makamit ito.
Dagdag pa ng opisyal, nagpapakita rin itong epektibo ang mga hakbang ng pamahalaan sa ilalim ng re-calibrated response o mas pinaigting na prevent, detect, isolate, treat, reintegrate at vaccine strategy.
Rosalie Coz | UNTV News
Tags: Covid-19, Karlo Nograles, Malacañang, Pandemic
METRO MANILA – Muling nagpaalala ang Malacañang sa lahat ng mga opisyal at kawani ng gobyerno na umiwas sa pakikilahok sa mga gawain ng mga partido pulitikal ngayong panahon ng eleksyon.
Batay sa inilabas na memorandum ni Executive Secretary Medialdea noong Nobyembre 8, inatasan ang lahat ng mga opisyal at mga empleyado nito na manatili ang political neutrality o walang kinikilingang partido pulitikal sa pamahalaan sa lahat ng oras.
Sakop rito sa nasabing memorandum ang lahat ng mga opisyal at kawani ng Government-Owned or -Controlled Corporations (GOCC), Government Financial Institutions, mga pamantasan at kolehiyong pagmamay-ari ng pamahalaan at ang mga ahensya nito.
Ayon kay Medialdea, nakasaad sa Saligang Batas ng 1987 at sa Batas Pambansa 881 o the Omnibus Election Code na mahigpit na ipinagbabawal sa mga opisyal at mga empleyado ng pamahaalan na lumahok sa anomang gawaing pampulitika.
Sa ilalim ng nasabing kautusan, ang mga opisyal at mga kawani ng Armed Forces of the Philippines (AFP) ay maaaring mapatawan ng kaukulang disiplina na dadaan sa military due process sa ilalim ng Commonwealth Act 408 or the Articles of War.
Binanggit ni Medialdea na sa ilalim ng RA 6713 o the Code of Conduct and Ethical Standards for Public Officials and Employees na mananatiling mandato sa lahat ng opisyal at kawani nito ang makapagbigay ng kaukulang serbisyo anoman ang partidong kinabibilangan.
Ang nasabing pagbabawal sa pangangampanya sa sinomang kandidato o pakikilahok sa anomang gawaing pulitikal ay naaangkop sa lahat mapa-tradisyonal man o sa makabagong media.
(Daniel Dequina | La Verdad Correspondent)
Tags: Malacañang
METRO MANILA – Kinwestyon ng mga senador ang P42-B na inilipat na pondo ng Department of Health (DOH) sa Department of Budget and Management (DBM) – procurement service.
Isa ito sa nakitang deficiencies ng Commission on Audit (COA) sa naging paggamit ng COVID-19 funds noong nakaraang taon dahil sa kawalan ng ilang dokumento.
Ayon sa mga senador, kabilang dito ang anila’y overpriced na pagbili ng face masks at face shield.
Nasa P27 kada piraso ng face mask ang binili habang P120 naman kada piraso ng face shield.
Paliwanag ng DOH, ginawa ang pagbili sa mga ito noong walang pang Suggested Retail Price (SRP) at kinukulang pa ang suplay.
“We were looking at the reasonable price existing at that time. And because of global demands.”ani DOH – Procurement Service Dir. Paul Guimbarda.
Pero giit ng mga senador, napakalayo nito sa SRP na inilabas ng DOH noon ding nakaraang taon.
“DOH released a memorandum providing suggested retail prices for this items. 2-4 pesos per piece of face mask and 26 – 50 pesos per face shield. If you compare this to your statement na bago pa lang nun, ang laki naman po ng diperensya. Ang laki ng overpricing.” ani Senate Minority Leader Sen. Franklin Drilon.
“Sabihin na natin na very tight ang supply at that point, pero saksakan naman yata ng overpriced.”
ani Sen. Imee Marcos.
Nais matanong ng mga senador dating DBM-PS Head Undersecretary Christopher Lloyd Lao.
Pero ayon kay DBM Acting Secretary Tina Rose Canda, nagbitiw na sa pwesto si Lao noong Hunyo.
Nagturuan naman ang DOH at DBM sa delayed at hindi nagastos na special risk allowance at meal, accommodation, transportation allowance para sa mga health worker.
Kabilang sa mga idinaing ng ilang grupo na may mga health care worker ang hindi pa rin nakatanggap ng benepisyo simula pa Setyembre ng nakataang taon.
Ipinagtanggol naman ng ilang Senador ang Commission on Audit matapos ang paglalabas ng sama ng loob ni Duque sa pagdinig sa kamara.
“Kaya hindi dapat tayo nagwawala na winarat sila. Sorry sec. Duque I do not agree with your statement na winarat kayo. Ginawa ng COA ang tungkulin nila at kayo ay may pagkakataon na sumagot at ayusin ung mga kusot na nakita sa inyo.”ani Chairperson, Senate Blue Ribbon Committee Sen. Richard Gordon.
“lahat po tayo dito ay halos wala nang tulog. Hindi ito pa-contest ng kung sinong ahensya ang mas may maraming ginagawa at kung sino ang pinakapagod at nakakaawa. Ito po ay usapin ng pananagutan.”ani Sen. Risa Hontiveros.
Magkakaroon ng susunod na pagdinig ang Senate Blue Ribbon Committee sa August 25.
(Harlene Delgado | UNTV News)
