Pinayagan ng Sandiganbayan na makalabas ngayong araw sa PNP Custodial Center si dating Sen.Bong Revilla upang sumailalim sa ilang dental procedures.

Sa resolusyon ng korte, sinabi nitong maaari nang makapunta si Revilla sa Gan Advanced Osseointegration Center sa Makati City mula alas dos hanggang alas kwatro ng hapon ngayong araw at sa July 16 at 23.

Ito ay para sa kanyang implant surgery, post dental check-up at iba pa.

Ipinagutos ng korte kay PNP Chief Ronald Dela Rosa na siguruhin ang seguridad ng senador at i-supervise ang communication gadgets na maaaring gamitin ni Revilla.

Hindi aniya maaaring magpainterview sa media si Revilla at siya ang sasagot sa gastusin ng kanyang paglabas.

(Joyce Balancio / UNTV Correspondent)

Tags: dating Sen.Bong Revilla, dental procedures sa labas ng PNP Custodial Center, Ombudsman