Pinangunahan ni Pangulong Rodrigo Duterte ang isinagawang Indigenous Peoples Leaders Summit Culmination sa Davao City. kahapon
Dito idinulog ng mahigit 900 Lumad leaders ang kanilang hinaing sa Pangulo. Kagaya na lamang ng umano’y patuloy nilang pakikipag-agawan sa karapatan sa kanilang lupain sa mga malalaking negosyante at investor.
Sa kanyang talumpati, nangako ang Pangulo na magbibigay ng isandaang milyong pisong financial assistance para sa pagpapaunlad ng ancestral land ng mga Lumad.
Nangako rin si Pangulong Duterte na siya mismo ang maghahanap ng mga investor na magpopondo upang lalo pang ma-develop ang mga lupa.
Ayon sa Pangulo, isa rin itong paraan upang maiwasang guluhin ng mga rebelde ang mga Lumad at ma-recruit ang mga ito sa paglaban sa pamahalaan.
Nangako rin ang Pangulo na magbibigay ng pabahay sa mga Lumad na nais bumaba sa bundok at libreng edukasyon para sa kanilang mga anak.
( Janice Ingente / UNTV Correspondent )
Tags: Davao City, duterte, lumad
Walang naitalang firecracker-related incident sa Davao City mula nang magsimula ang holiday season at nais itong panatilihin ng lokal na pamahalaan ng lungsod hanggang sa pagpapalit ng taon. Dahil dito mas paiigtingin ng lokal na pamahalaan ang pagpapatupad ng city ordinance 60-02 o firecracker ban.
Isang libong pisong multa o pagkakakulong ng dalawampu hanggang isang buwan ang parusa sa unang paglabag. tatlong libong pisong multa o pagkakakulong ng isang buwan hanggang tatlong buwan ang parusa sa ikalawang paglabag at limang libong pisong multa o tatlong buwan hanggang anim na buwan naman ang parusa sa ikatlong paglabag.
Inatasan na ng Public Safety and Security Command Office ang Davao City Police Office na i-monitor ang mga pampubliko at pribadong ospital sa kanilang area of responsibility upang agad na mai-report sa kanila at kay Mayor Sebastian Baste Duterte ang posibleng firecracker-related injuries.
Isa pa sa binabantayan ng security forces ay ang indiscriminate firing upang maiwasan ang stray bullet incident.
Nakamonitor din ang mga pulis sa pagdagsa ng mga tao sa terminal, pasyalan at laban sa mga kawatan lalo’t marami ang inaasahang mga magbabakasyon.
Lucille Lloren | UNTV News
Tags: Davao City
Masaya si Pangulong Rodrigo Duterte nang pulungin sa huling pagkakataon ang kaniyang gabinete nitong Lunes ayon sa palasyo. Iniulat dito ang mga nagawa ng cabinet clusters sa nakalipas na anim na taon at mga maaaring mai-endorso sa susunod na administrasyon.
Nagpasalamat na rin ang Punong Ehekutibo sa mga nagawa ng kaniyang cabinet official sa nakalipas na anim na taon.
Ayon kay Acting Presidential Spokesperson at Presidential Communications Secretary Martin Andanar, masigla ang Presidente at looking forward na sa kaniyang retirement sa Davao City.
“The president was upbeat last night. He expressed gratitude to past and present cabinet officials for helping him run the country, and he looks forward to his retirement in Davao City and spending more time with family and his grandchildren,” pahayag ni Sec. Martin Andanar, Acting Presidential Spokesperson / Presidential Communications.
Ayon sa Malakanyang, hindi naman ito nangangahulugang tapos na ang trabaho ng Duterte administration.
“It’s the last cabinet meeting of the Duterte administration, ‘yung full cabinet meeting but it doesn’t mean we will stop working after that, may mga directives pa rin ang Presidente. Siyempre kung kinakailangan na magkaroon pa ng cabinet meeting in the next 30 days, gagawin naman natin ‘yun,” ani Melvin Matibag, Acting Cabinet Secretary.
Bukod sa pagpupulong, isang thanksgiving dinner din ang inihanda ng Pangulo para sa mga miyembro ng gabinete.
Naghandog din ng awit ang Pangulo para sa mga kalihim at kanilang mga kabiyak.
Ayon kay Acting Presidential Spokesperson at Presidential Communications Secretary Martin Andanar, nakaantabay lang sila kung mayroon pang Talk to the People Address na isasagawa ang Presidente sa mga susunod na linggo.
(Rosalie Coz | UNTV | News)
Tags: Davao City, Pres. Rodrigo Duterte
Nangunguna sa bilangan sa lokal na posisyon ang dalawa pang anak ni Pangulong Rodrigo Duterte.
As of 9pm kahapon, nakakuha na ng 593,064 votes si vice mayor Sebastian Baste Duterte na kumakandidato sa pagka alkalde ng Davao City.
Sinundan ito ni Atty. Ruy Elias Lopez na may 67, 313 votes. 3,004 votes naman ang nakuha ni Joseph Elizalde at 1,002 votes kay Teddy Mantilla.
Ang panganay na anak naman ng Pangulo na si Paulo Duterte na kumakandidato sa pagka kongresista sa unang distrito ay nakuha ng mayorya ng boto laban sa mga katunggali nito.
As of 9pm kagabi (May 10), mayroon ng 211, 872 votes si “Pulong” malayo sa nakuhang boto nina Mags Maglana na mayroon lamang 14,101 votes, Jamal Kanan na may 1,361 votes at Jovanie Mantawel na may 641 votes.
As of 9pm din ay 1,345 out of 1,411 clustered precincts na ng election returns ang transmitted na o 95.32 percent sa Davao City.
Sa ngayon wala pang anunsyo mula sa sanggunian kung kelan ang proclamation ng mga nanalo.
Samantala, ilang miembro naman ng grupong Anakbayan sa Davao City freedom park kahapon ang nagsagawa ng rally upang ipahayag ang kanilang pagtutol sa inilabas na resulta ng partial, unofficial count ng Comelec para sa presidential race kung saan nanguna ang Marcos Jr. – Duterte tandem.
Marisol Montaño | UNTV News
Tags: Davao City, Paulo Duterte, Sebastian Duterte
