Simula bukas, March 3, ay matatanggap na ng mga pensioner ng Social Security System ang isang libong pisong dagdag sa buwanan nilang benepisyo.

Ayon kay SSS Chairman Amado Valdez, tatlong libong piso ang matatanggap ng pensioners ngayong buwan para masaklaw ang buwan ng Enero hanggang Marso ngunit hahatiin ito sa tatlong bigayan.

Ang unang isang libong pisong nakalaan sa buwan ng Enero ang ibibigay bukas habang ang nalalabing dalawang libo para sa February at March payout ay ibibigay naman sa March 10 at March 17.

Sa buwan naman ng Abril ay incorporated na sa regular pension ang isang libong pisong umento.

Tags: 000 dagdag benepisyo, P1, SSS pensioners