Arestado ang isang Chinese national sa drug buy bust operation ng mga tauhan ng Criminal Investigation and Detection Group-National Capitol Region sa Adriatico St. Brgy. 720 Zone 78 Malate Maynila pasado alas onse kagabi.
Ayon kay PSSupt. Ronald Lee, ang Regional Director ng CIDG-NCR, nagpanggap ang kanilang asset na bibili ng isang kilo ng shabu sa halagang walongdaang libong piso.
Nang maiabot na sa suspek na kinilalang si Norman Hung Wang ang marked money ay agad itong hinuli.
Nadiskubre pa sa loob ng sasakyan nito ang isang maleta na naglalaman ng walo pang plastic ng hinihinalang syabu.
Nasa siyam na kilo ito at tinatayang may street value na apatnaput limang milyong piso.
Itinanggi naman ng suspek na sa kanya ang mga illegal na droga.
Dinala sa tanggapan ng CIDG-NCR sa Kampo Crame ang suspek na mahaharap sa kasong paglabag sa The Comprehensive Dangerous Drugs Act of 2002.
(Reynante Ponte/UNTV NEWS)
Tags: PSSupt. Ronald Lee
