METRO MANILA – Sa pakikipagpulong ni House Speaker Martin Romualdez sa mga opisyal ng Department of Trade and Industry (DTI), tiniyak ng mga ito na bago matapos ang buwan ng Marso, ay posibleng maipatupad na ang pagkakaroon ng P500 na halaga ng kabuuang discounts sa groceries at prime commodities kada buwan ng Senior Citizens at PWDs.
Kabilang sa sakop ng discounts ang mga basic good gaya ng bigas, mais, karne, isda, manok, itlog, mantika, asukal, gulay, prutas, at iba pa.
Sa susunod na buwan, inaasahan nang ilalabas ang isang Inter-Agency Circular kaugnay nito partikular na ang Department of Agriculture, DTI at Department of Energy. Ngayon, nagsasagawa pa ng konsultasyon ang DTI sa mga stakeholder.
Sa kasalukuyan, umaabot lamang sa P260 ang na-eenjoy na discounts sa groceries at iba pang basic necessities ng Senior Citizens at Persons with Disabilities monthly. Katumbas ito ng P65 kada Linggo.
Tags: DTI, PWDs, Senior Citizens
METRO MANILA – Nalagpasan ng Pilipinas sa kauna-unahang pagkakataon ang $100-B exports noong 2023.
Ayon sa export marketing bureau ng Department of Trade and Industry (DTI), ang full-year total exports ng bansa sa goods at services ay umabot sa $103.6-B noong nakaraang taon.
4.8 percent na mas mataas kumpara noong 2022.
Ayon sa DTI, ang paglago ng export ng Pilipinas ay dahil sa paglakas ng performance ng Information Technology at Business Process Management (IT-BPM) sectors.
Dagdag pa rito ang pagtaas ng kita mula sa turismo.
Tags: DTI
METRO MANILA – Ipapatupad na sa Lunes ang pinalawak na price cap sa mga basic necessities at prime commodities.
Ito ay matapos pirmahan ng Department of Trade and Industry (DTI) at Department of Agriculture (DA) ang joint administrative order para sa 5% discount ng mga Senior Citizens at Persons With Disability (PWD).
Kung saan mas malaki na ang kanilang matitipid sa mga produkto na kanilang bibilhin.
Ayon sa (DTI), mga local na produkto ang karamihang pasok sa diskwento at aplikable na rin ang 5% discount sa pagbili online.
Nilinaw naman ng DA na hindi kasama sa diskwento ang mga Kadiwa store, mga barangay micro business at mga kooperatiba na naka rehistro sa Cooperative Development Authority.
METRO MANILA – Aprubado na ng joint committees ng House of Representatives ang 2 panukalang batas na nagpapalawig sa discounts sa Senior Citizens at Persons with Disabilities (PWD).
Partikular na ang House Bill number 10061 at 10062.
Layon nitong panatilihin ang pagkakaroon ng 20% discounts at exemption sa Value Added Tax (VAT) para sa mga elderly at PWDs kahit available din ang promotional offers ng mga business establishment.
Gayundin ang pagkakaroon nila ng discount sa parking fees, electricity at water consumption, labor expenses at maging sa government training programs.
Tags: Discount, PWDs, Senior Citizens
