Nasa Bangkok na ngayon sina dating Palawan Governor Joel Reyes at dating Coron Mayor Mario Reyes na naghihintay matapos ang deportation process.
At bagamat nakabantay na ang mga tauhan ng PNP Criminal Investigation and Detection group sa magkapatid na Reyes , ay hindi pa ito agad agad maaaring arestuhin.
Ito’y hanggat wala ang magkapatid sa teritoryong sakop ng Pilipinas.
Subalit ayon kay PNP PIO Chief P/CSupt. Wilben Mayor, oras na sumakay ito sa eroplano ang mga ito ay maaari na itong arestuhin agad sa loob ng eroplano.
Sinabi pa ni Mayor na poposasan din ang magkapatid bilang bahagi ng kanilang police operational procedure.
Idinagdag pa ng heneral na pinag uusapan na rin ng mga tauhan ng cidg ang seguridad na ipatutupad sa naia hanggang sa pagbibiyahe sa magkapatid patungo sa Kampo Crame.
Ang magkapatid na Joel at Mario Reyes ay suspek sa pagpatay sa radio broadcaster and environmentalist Jerry Ortega noong 2011 sa Puerto Prinsesa.
Kung sakali ding ipag uutos ng korte na sa pnp custodial center ito ikulong ay gagawa sila ng space para sa pagkukulungan sa magkapatid.
Batay sa impormasyon, inaasahang aalis mamayang alas-diyes ng gabi sa thailand ang dalawa at darating sa Pilipinas bukas ng madaling araw.(Lea Ylagan/UNTV Correspondent)
Tags: Bangkok, dating Coron Mayor Mario Reyes, dating Palawan Governor Joel Reyes
METRO MANILA, Philippines – Ngayong taon ang pangatlong pagkakataon na babalik sa Thailand si Pangulong Rodrigo Duterte. Dahil sa June 22 hanggang 23, makikibahagi ang Punong Ehekutibo sa 34th ASEAN Summit kasama ang iba pang heads of member states kung saan ang Thailand ang Chairman ngayong taon.
Kabilang naman ang pitong miyembro ng gabinete sa delegasyon ng Pangulo sa regional event.
Ayon kay Foreign Affairs Assistant Secretary Junever Mahilum-West, tiyak na matatalakay ang isyu hinggil sa South China Sea. At in general, maaari ring mabuksan ang usapin sa pinakahuling insidente sa Recto Bank sa ASEAN leader’s retreat upang maisulong ang usapin sa pagkakaroon ng code of conduct sa South China Sea.
“Pwede namang during exchange of views on regional development, there is an opening to raise these issues, because incidents like what happened emphasized the importance of having a code of conduct so that we could avoid, we could prevent these incidents from happening in the future.” Ayon kay DFA Asec. Junever Mahilum-West.
Gayunman, nilinaw ng opisyal na premature pang sabihing na tiyak na matatalakay nang malaliman ng pilipinas sa summit ang sea ramming incident sa Recto Bank.
Ito ay lalo na’t iniimbestigahan pa ng pamahalaan ng Pilipinas at ng China ang insidente.
Hinihintay pa rin ang tugon ng China sa diplomatic protest ng Pilipinas hinggil sa umano’y abandonment sa mga Filipino fishermen.
“For one thing, there is this investigation that’s ongoing, that up to the present discloses a certain fact that we did not know before. Also, we lodged a strong protest with china and we are awaiting china’s response to this. So in the meantime that these major factors are pending, i think it would be premature of me to — premature of me to say that we will raise the issue at the summit.” Ani DFA Asec. Junever Mahilum-West.
Ang mga highlight ng ASEA Summit na inaasahang dadaluhan ng Pangulo ay ang summit plenary, gala dinner, leaders’ retreat, at ang 13th Brunei Darrusalam-Indonesia-Malaysia-Philippines East ASEASN growth area or BIMP-EAGA summit.
Inaasahan namang magkakaroon din ng bilateral meeting ang Punong Ehekutibo sa ibang ASEAN leaders.
Samantala, ‘di pa tiyak kung magkakaroon naman ng pagkakataon ang Presidente na makapulong ang Filipino community sa Bangkok dahil sa hectic schedule nito.
(Rosalie Coz | UNTV News)
Tags: 34th ASEAN Summit, Bangkok, Pang. Duterte, South China Sea, Thailand
Naghain na ng kandidatura ang magkapatid na sina dating Palawan Governor Joel T. Reyes at Mario Reyes, kapwa suspek sa pagpatay sa broadcaster at environmentalist na si Dr. Gerry Ortega.
Tatakbong mayor ng Coron si Joel habang vice mayor naman ang kapatid nitong si Mario.
Kasalukuyang nakapiit sa Puerto Princesa City Jail ang magkapatid na Reyes at tatakbo ang mga ito bilang independent candidates sa pamamagitan ng legal representative.
Nagtago ang Reyes brothers ng tatlong taon at nahuli ang mga ito sa Phuket, Thailand nito lamang nakaraang buwan.
Tags: Coron, dating Palawan Governor Joel Reyes, Palawan, Reyes brothers
Niyanig ng malakas na pagsabog ang Central Business District sa Bangkok, Thailand magaalas-syete kagabi.
Makikita sa isang amateur ang ilang biktima na nasa daan habang abala ang mga pulis at ilang residente sa pagbuhat ng mga biktima ng pagsabog.
Sa kuha naman ng Photoville International makikita ang maraming motorsiklong nasira habang may isang bangkay pa na tinakluban ng tela ang hindi pa naiaalis sa blast site
Nangyari ang pagsabog sa Erawan Shrine na dinarayo ng maraming turista.
Ayon kay National Police Chief Somyot Poompanmuang, isang pipe bomb na itinanim sa loob ng shrine ang ginamit sa pambobomba.
Sinabi ni Maj. Gen. Witoon Nitiwarangkul, isang surgeon general sa Police General Hospital,umabot na sa (22) ang nasawi habang 123 naman ang sugatan na karamihan ay mga turista.
Samantala, ayon sa isang Thai Police kabilang ang isang Pilipino sa mga nasawi sa pagsabog
Ngunit kinukumpirma pa ito ng embahada ng Pilipinas sa Thailand
Ayon kay DFA Spokesperson ASec. Charles Jose, nagpadala na sila ng tauhan sa Police General Hospital upang kumpirmahin ang balitang ito.
Pinag-aaralan narin ng DFA kung maglalabas na ng travel advisory sa Bangkok.
Samantala mariin namang kinondena ng Malacanang ang nangyaring pagpapasabog
Sa ngayon ay wala pang grupong umaako sa pambobomba ngunit isang kahina-hinalang lalake na nakita sa cctv malapit sa blast site ang kasalukuyan ng iniimbestigahan (Maryjo Maleriado / UNTV News Bangkok, Thailand )
Tags: ASec. Charles Jose, Bangkok, Maj. Gen. Witoon Nitiwarangkul, Photoville International, Thailand
