METRO MANILA – Kinuwestiyon ni House Deputy Minority leader at Bayan Muna Rep. Carlos Isagani Zarate ang pag-ere ng 2 oras na meeting ng PDP-Laban sa PTV at RTVM.
Ito aniya ay “unabashed display of impunity in using government time and resources for a clearly partisan political activity” upang mapalawig pa ang panunungkulan ni Pangulong Rodrigo Duterte sa gobyerno.
“Has the government station become the private property of PDP-Laban or is it in line with Pres. Duterte’s penchant for claiming taxpayer’s paid services and personnel as his own?” dagdag pa ni Zarate.
Samantala, dinepensahan ni Presidential Spokesperson Harry Roque ang naturang isyu sa isang press briefing nitong Huwebes (Hulyo 7).
“Ang alam ko po, whenever it’s newsworthy, it’s covered kasi kung hindi po, masu-scoop naman sila. PTV is still a news agency,” ani Roque.
(Rhuss Egano | La Verdad Correspondent)
METRO MANILA – Opisyal nang tinanggap ni Pangulong Rodrigo Duterte ang nominasyon sa kaniya ng Partido Demokratiko Pilipino Lakas ng Bayan (PDP Laban) para tumakbo bilang bise presidente sa 2022 national elections.
Inunsyo ito ng partido sa kanilang national convention kahapon (sept. 8) sa Pampanga.
“Alam mo kung bakit ako tatakbo ng vice presidency is it ambition, maybe but is it really a sense of love of country yes, is it really because see really the continuity of my efforts, even if I am not the one giving the directions baka makatulong lang ako alam ninyo na alam natin na ang problema droga pa rin, terorismo, nandiyan ang NPA ” ani Pres. Rodrigo Duterte.
Pero si Senator Bong Go opisyal na idineklara ng partido na kandidato nito sa pagkapangulo sa halalan, muling tumanggi sa alok ng PDP Laban Cusi faction.
“Subalit, inuulit ko, hindi po ako interesadong tumakbo sa pagka-pangulo sa darating na halalan. Nakatutok po ang buong puso at isipan ko sa pagseserbisyo sa aking kapwa at wala po akong hangarin na makipagkumpitensya sa pinakamataas na posisyon sa bansa.unahin niyo na lang po ang may gusto. Ang importante ay hanapan natin ng katimbang si pangulong Duterte upang maipagpatuloy ang pagbabago.” ani Sen. Christopher “Bong” Go.
Bukod sa kanilang presidential at vice presidential bet, ipinirisinta na rin ng partido ang kanilang senatorial lineup. 4 dito ay party members at 4 ang guest candidates. Karamihan sa mga ito ay miyembro ng gabinete ni Pangulong Duterte.
(Nel Maribojoc | UNTV News)
Tags: Go-Duterte Tandem, PDP-Laban
