METRO MANILA – Posibleng umabot sa pinakamataas na yugto ang umiiral na El Niño ngayon.
Ayon sa PAGASA, naguumpisa nang maramdaman ang epekto nito sa bansa kung saan may mga lugar na bawas ng dami ng ulang nararanasan kumpara sa mga taong walang El Niño.
Pero sa unang bahagi ng 2024 ay mas matindi pa ang posibleng maranasang tag-tuyot.
Ayon sa PAGASA, magagamit parin naman mga damit na pang-ginaw dahil sa pag-iral ng amihan pero di gaanoong kalamigan ang panahon.
Bago matapos ang taon ay nasa 4 o 5 na bagyo pa ang posibleng pumasok sa Philippine Area of Responsibility (PAR).
Ayon sa Water Resources Management Office, sa ngayon ay wala pang problema sa supply ng tubig sa Metro Manila at mga karatig lalawigan.
(Rey Pelayo | UNTV News)
METRO MANILA – Inianunsyo ng Philippine Atmospheric, Geophysical, and Astronomical Services Administration (PAGASA) na mararanasan ngayong araw ang summer Solstice.
Ito ay isang uri ng astronomical event kung saan mararanasan ang pinakamahabang araw at pinaka-maiksing gabi.
Gayunman magkakaiba ang duration ng daylight sa iba’t ibang lugar buong mundo.
Gaya sa Metro Manila, ayon sa PAGASA nagsimulang sumikat ang araw kaninang 5:28am at lulubog ng 6:27pm.
Nangangahulugan ito na tatagal ng 13 oras ang daylight o ang liwanag ng araw.
METRO MANILA – Inianunsyo na ng PAGASA ang pormal na pagsisimula ng panahon ng tag-ulan sa bansa.
Ayon sa PAGASA, bunsod ng mga naranasang kalat-kalat na mga pag-ulan sa mga nakalipas na araw, dagdag pa ang pagpasok ng bagyong Aghon at pag-iral ng habagat partikular na sa kanlurang bahagi ng Luzon at Visayas ay palatandaan na ito ng opisyal na pagpasok ng panahon ng tag-ulan.
Gayunman, asahan pa rin anila na may mga araw na hindi magkaroon ng mga pag-ulan o ang tinatawag na monsoon breaks.
METRO MANILA – Umabot na sa mahigit 4.5 milyong indibidwal ang bilang ng mga naapektuhan ng El Niño phenomenon sa bansa.
Ayon sa Department of Social Welfare and Development (DSWD), nasa 1,181,568 na pamilya mula sa 6,017 barangay sa 14 na rehiyon ang apektado.
Kabilang sa mga apektadong rehiyon ang Ilocos region, Cagayan Valley, Central Luzon, Mimaropa, Bicol region, Western Visayas, Central Visayas, Eastern Visayas, Zamboanga Peninsula, Northern Mindanao, Davao Region, Soccsksargen, Cordillera Administrative Region, at BARMM.
Dagdag pa rito, sinabi ng dswd na nabigyan na ng P372.4-M na humanitarian assistance ang mga apektadong indibidwal.
Mayroon namang P3.2-B na magagamit na relief resources ang kagawaran, kung saan P607.9-M ang inilaan para sa standby funds at P2.6-B naman ang para sa food at non-food items.
Ayon sa National Disaster Risk Reduction and Management Council, hanggang May 13, umabot na sa 280 na Local Government Units (LGU) ang nagdeklara ng state of calamity dahil sa matinding init.
