Pagbaha sa ilang lugar sa Metro Manila, nagdulot ng matinding pagsisikip ng trapiko

by Radyo La Verdad | August 3, 2018 (Friday) | 2000

Matinding pagsisikip ng trapiko ang inabot ng mga motorista at commuters ngayong umaga dulot ng pagbaha sa ilang mga lugar sa Metro Manila.

Sa videong nakunan ng ilang netizen, halos bumper-to-bumper na ang mga sasakyan sa bahagi ng Edsa Quezon Avenue patungong Welcome Rotunda.

Tukod na rin ang mabigat na trapiko sa may Edsa southbound lane matapos ang malakas na buhos ng ulan kanina.

Samantala, stranded rin ang libo-libong mga pasahero sa lugar ng Commonwealth Avenue na nahirapang makasakay dulot pa rin ng matinding trapiko.