Pinangunahan ni Special Assistant to the President Christopher Bong Go ang panunumpa ng mga bagong barangay officials sa Laguna.

Sa Bayan ng Biñan, ipinahayag ni Sec. Go na patuloy na pinag-aaralan ni Pang. Rodrigo Duterte ang pagbibigay ng armas sa mga Barangay Captain.

Layunin aniya nito na maging katuwang ng PNP ang mga ito sa pagsugpo sa krimen sa kanilang lugar. Kasabay nito ay pinaalalahan naman ni Go ang mga local official na maaaring makasuhan ang sinomang hindi susunod sa direktiba kontra droga ng pamahalaan.

Aniya, malaki ang panananagutan ng mga ito lalo na sa barangay level dahil sila ang higit na nakakaalam ng nangyayari sa kanilang nasasakupan.

( Benedict Samson / UNTV Correspondent )

Tags: armas, barangay chairman, PNP