METRO MANILA – Naghahanda na ang Department of Information and Communications Technology sa pagbubukas ng VaxCertPH para sa general public.
Ang VaxCertPH ay isang online portal kung saan makikita ang digital documentation na magsisilbing patunay na nakakumpleto na ang isang indbidwal ng bakuna kontra COVID-19.
Bunsod nito, kailangang isumite ng local government units ang mga datos ng mga fully vaccinated citizens.
Paliwanag ni ICT Undersecretary Manny Caintic, ito ang mas nagiging problema ngayon at hindi ang sistema ng VaxCertPH.
“We are not a very rich country. So, it is a challenge for the LGUs especially those who do not have enough equipment to submit their line lists religiously everyday.” ani DICT Usec. Emmanuel Rey “Manny” Caintic.
Kayang makuha ang VaxcCert sa online portal nito sa loob lang ng ilang minuto.
Paliwanag ng DICT, patuloy pa nilang inaayos ang sistema kaya hindi pa ito binubuksan sa ibang lugar.
“Inaalam namin, winawasto namin, ini-improve namin muna ang proseso para pagdating sa national launch ay na-perfect na natin at naiwasto na natin ang ating mga proseso. Bigyan lang tayo ng ilang linggo at mabubuksan din naman.” ani DICT Usec. Emmanuel Rey “Manny” Caintic.
Target ng DICT na buksan sa general public ang pag-iisyu ng VaxCertPH sa Oktubre.
(Asher Cadapan Jr. | UNTV News)
METRO MANILA – Prayoridad pa rin ni Pangulong Ferdinand Marcos Junior ang pagkakaroon ng digital Philippines at mas mabilis na internet connection sa bansa.
Ginawa nito ang pahayag nang opisyal na ilunsad ang unang bahagi ng national fiber backbone project ng Department of Information and Communications Technology (DICT).
Layon ng inisyatibo na makapagtatag ang pamahalaan ng sariling connectivity infrastructure para sa national at Local Government Units (LGU) upang maisulong na rin ang Micro, Small, Medium Enterprises (MSMEs) gayundin ang nano enterprises sa digital space.
Tags: DICT, internet connection
METRO MANILA – Lumilipat na ngayon ng diskarte ng mga scammer.
Ayon sa Department of Information and Communications Technology (DICT), malaki na ngayon ang nabawas sa mga nagpapadala ng text scam na ginagamit ang mga SIM card.
Ito ay mula nang ipatupad ang Sim Registration Law.
Gayunman, mga messaging application naman ang inuumpisahan nilang gamitin para makapanloko.
Paalala ng DICT, huwag nang i-click ang mga kahinahinalang link na natatanggap dahil malamang ay scam ito.
METRO MANILA – Nanawagan ang Department of Information and Communications Technology (DICT) sa publiko, private sectors at stakeholders na maging mapanuri at proactive sa gitna ng mga hamon sa cyber security.
Ayon sa pahayag ni DICT Digital Certificate Division Officer-In-Charge Thelma Villamorel, sa paglago ng teknolohiya ay kinakailangang manatili tayong maingat at maagap sa pagharap sa mga security challenges na kaakibat ng digital transformation.
Ayon naman kay Digital Pilipinas Convenor Amor Maclang, kinakailangan ng “whole-of-nation” approach at pagbabahagi ng best practices sa cyber security.
Sinabi din ni Maclang na kailangang magkaroon ng mas mataas na budget ang DICT upang mapalakas ang cyber security.
Tags: Cyber Security, DICT
