Binatikos ng Malakanyang si Attorney Harry Roque dahil sa pagkwestyon nito sa pagkuha ng pamahalaan ng dayuhang Chief Counsel sa pagharap sa Arbitral Tribunal sa The Hague.
Kabilang sa mga foreign counsel na magpi-prisinta ng argumento ng Pilipinas ay sina:
• Paul S. Reichler at Lawrence H. Martin mula sa law firm na Foley Hoag LLP
• Professor Bernard h. Oxman mula sa University of Miami School of Law
• Professor Philippe Sands QC mula Matrix Chambers, London, United Kingdom
• at Professor Alan Boyle mula sa Essex Court Chambers, London, United Kingdom
Paliwanag ni Presidential Spokesman Edwin Lacierda, kailangan ng Pilipinas ng isang abogado na bihasa na humarap sa International Tribunal.
Ayon pa sa Malakanyang hindi na rin dapat kinukwestyon o tinatawaran ang suporta ng mga opisyal ng pamahalaan na pumunta sa The Netherlands para sa pinaglalaban ng ating bansa.
Sinabi ng Malakanyang na kahapon ay sinimulan nang ipirisinta ng delegasyon ng Pilipinas ang posisyon ng bansa sa West Philippine Sea issue.
Ngayong araw ay ipinagpatuloy ang unang round ng paglalatag ng argumento ng Pilipinas sa arbitral tribunal.
Tags: Attorney Harry Roque, Presidential Spokesman Edwin Lacierda
Tinanong ni Presidential Spokesman Edwin Lacierda sina Senator Alan Peter Cayetano at Koko Pimentel kung ano ang kanilang posisyon ngayon sa pagbubunyag ni Senator Antonio Trillanes ng umano’y tagong yaman ni presidential candidate Rodrigo Duterte.
Sinabi ni Lacierda sa isang open letter na may petsang April 29 na ngayon mas lalong dapat na ipakita ng dalawang senador ang kanilang adbokasiya sa paglaban sa kurapsiyon tulad ng ginawa nilang imbestigasyon kay VP Jejomar Binay.
Sagot ni Senator Cayetano, hindi corrupt ang kanyang running mate na si Mayor Duterte.
Aniya, maigi na resolbahin ng admininistrasyon ang problema ng bansa sa nalalabing panahon nito sa halip na pagtuunang ng pansin sila ni Senador Pimentel.
Sinabi pa ni Cayetano na hindi dapat na ikumpara si Duterte kay Binay na nagpaalamang maraming pag-aari sa isang taong imbestigasyon ng senado.
Ayon naman sa ilang senador hindi dapat nagagamit ang mga bangko para sa isyung pulitikal.
Ayon kay Senador Cynthia Villar, Chairperson ng Senate Committee on Government Corporations and Public Enterprises dapat sundin ang nasa Bank Secrecy Law.
(Bryan de Paz/UNTV NEWS)
Tags: Koko Pimentel, open letter, Presidential Spokesman Edwin Lacierda, Senator Alan Peter Cayetano
Ngayon lunes ang huling araw na itinakda ng The Hague Permanent Court of Arbitration upang dinggin ang inihaing kaso ng Pilipinas kaugnay ng West Philippine Sea Territorial dispute.
Ayon kay Presidential Spokesman Edwin Lacierda, ngayon lunes din ang kahuli-hulihang presentasyon ng delegasyon ng Pilipinas sa arbitration court.
Pagkatapos nito ay hihintayin na lamang ang desisyon ng 5-member ng arbitral tribunal kung kinakailangan pa ng karagdagang araw para sa ilang klaripikasyon, pagkatapos ay aabangan na lamang ang magiging ruling ng tribunal.
November 24 nang magsimula ang pagdinig ng arbitration court para sa petisyon ng Pilipinas.
Ilan sa ipinirisinta ng delegasyon sa pangunguna ng mga legal counsel ng Pilipinas ang tungkol sa reclamation activity ng China sa West Philippine Sea at kung papaano naapektuhan nito ang mga yamang dagat na malinaw na paglabag sa United Nations Convention on the Law of the Sea.
Maging ang ginawang pagharang sa mga mangingisdang Pilipino sa Scarborough Shoal at illegal fishing activities ng mga tsinong mangingisda ay ipinirisinta rin sa tribunal.
Tatlong pangunahing isyu ang nais ng Pilipinas na madesisyunan ng tribunal.
Una, ang mga obligasyon at karapatan ng mga partido sa West Philippine Sea at epekto sa UNCLOS ng claims ng China na nine dash line theory.
Pangalawa, ang usapin ng maritime entitlements sa ilang isla at mga aktibidad na ginagawa ng China sa West Philippine Sea na lumalabag sa convention tulad ng pagharang sa mga mangingisdang pilipino at construction at fishing activities ng China na nakakasama na sa marine environment.
Sinabi ni Secretary Lacierda na sa mga nakalipas na pagdinig na naipresinta ng Pilipinas ang kaso kalakip ang mga ebidensiya at nakabatay sa international law.
Umaasa ang malakanyang na papaboran ang Pilipinas sa ilalabas na ruling ng arbitration court.
Inaasahang hanggang sa ikalawang quarter ng 2016, ilalabas ng The Hague Arbitral Tribunal ang desisyon nito sa kasong isinampa ng Pilipinas laban sa China. (Nel Maribojoc/UNTV News)
Tags: Presidential Spokesman Edwin Lacierda, The Hague Permanent Court of Arbitration, West Philippine Sea territorial dispute
Hindi nababahala ang Malakanyang sa planong pagtakbo ni Davao City Mayor Rodrigo Duterte sa pagkapangulo sa 2016 elections.
Ayon kay Presidential Spokesman Edwin Lacierda, sa huli ang tao pa rin ang magpapasya kung sino ang kanilang napipisil na susunod na lider ng bansa base sa mga plataporma at sa personalidad.
Samantala hindi nasorpresa si Senador Grace Poe sa desisyon ni Davao Mayor Rodrigo Duterte na tumakbong pangulo sa 2016.
Ayon sa senadora noon pa man ay halata na niya ang kagustuhan ng alkalde ng Davao City na tumakbong pangulo ng bansa. (Bryan de Paz/UNTV News)
Tags: Davao City Mayor Rodrigo Duterte, Presidential Spokesman Edwin Lacierda, Senador Grace Poe
