METRO MANILA – Nagkasundo ang 17 alkalde sa Metro Manila na magpatupad ng moratorium sa pagkumpiska ng lisensya ng mga motoristang lalabag sa batas trapiko.
Ang moratorium ay magiging epektibo hanggat binubuo pa ng LGUs sa NCR, Metropolitan Manila Development Authority (MMDA) at Land Transportation Office (LTO) ang mga guidelines para sa inter-connectivity program na gagamitin sa single ticketing system.
Ayon kay MMDA Acting Chairman Romando Artes magpapasa ng ordinansa ang mga city at municipal councils sa Metro Manila na nagmamandato sa suspensiyon sa pagkumpiska ng driver’s license sa mga susunod na araw.
Bagamat hindi muna kukumpiskahin ang lisensya, babala ng Department of the Interior and Local Government (DILG), ililista pa rin ng mga traffic enforcer ang pangalan ng mga lalabag na motorista at ibibigay ang impormasyon sa LTO.
Kapag naipatupad ang single ticketing system magkakaroon na ng inter-conectivity sa database ng mga lalabag sa batas trapiko sa Metro Manila.
Ayon sa DILG, makatutulong ito para magkaroon ng common database ang Metro Manila LGUs, MMDA, at LTO.
Inanunsyo na rin ni DILG Secretary Benhur Abalos na nangako ang Metro Manila mayors at MMDA na bababaan ang penalty sa ilang traffic violations.
Inaasahang sa first quarter ng 2023 na maipatutupad ang single ticketing system sa Metro Manila.
(JP Nunez | UNTV News)
Tags: DILG, LTO, MMDA, NCR, Single Ticketing System
METRO MANILA – Isasagawa na ngayong araw ng Huwebes June 20 ng Regional Tripartite Wages and Productivity Board (RTWPB) ang public hearing kaugnay ng ipinag-utos ni Pangulong Ferdinand Marcos Jr. na repasuhin ang minimum na arawang sahod sa National Capital Region (NCR).
Ayon sa Department of Labor and Employment (DOLE), may nagpetisyon na dagdagan pa ng P750 at P597 ang kasalukuyang minimum wage sa NCR na P610.
Magsasagawa pa ng deliberasyon o tatalakayin ng wage board ang mga mapag-uusapan pagkatapos ng isasagawang pagdinig.
Inaasahan na magkakaroon ng positibong resulta ang review bago ang July 16, 2024 o unang anibersaryo nang itaas sa P610 ang minimum daily wage sa Metro Manila.
Muli namang nilinaw ni Labor Secretary Bienvenido Laguesma na hindi siya makikialam kung ano man ang maging desisyon ng wage board.
METRO MANILA – May dagdag na 1 Linggong pataan ang Metropolitan Manila Development Authority (MMDA) sa mga E-bike at E-trike na dadaan sa national roads.
Ayon sa MMDA, sa susunod na Lunes, May 27 na nila sisimulan ang panghuhuli, paniniket, at pag-iimpound ng mga E-bike at E-trike.
Ipinaliwanag ni MMDA Acting Chairman Atty. Romando Don Artes napagdesisyunan ng ahensya na magsagawa pa ng 1 Linggong information drive.
Noong April 18 nang ipinag-utos ni Pangulong Ferdinand Marcos Jr. na bigyan pa ng 1 buwan na grace period ang mga E-bike at E-trike user dahil sa kakulangan ng awareness at daing na masyadong mataas ang multa na aabot sa P2,500.
Ayon sa MMDA, nabawasan na ang mga E-bike at E-trike users na nagtatangkang dumaan sa national roads sa loob ng nakalipas na 1 buwan na grace period.
Sa oras na maniket ang MMDA, 1,000 ang magiging multa sa mga E-bike at E-trike users kung meron silang dalang driver’s license habang 2,500 naman kung walang lisensya at ma-iimpound pa ang kanilang sasakyan
Tags: MMDA
METRO MANILA – Hinikayat ng DILG ang mga Local Governments Units (LGUs) na i-update ang kanilang disaster action plans at hazard maps para sa pagpasok ng La Niña phenomenon.
Ayon kay DILG Undersecretary Marlo Iringan, kinakailangan na regular na magdaos ng pagpupulong ang mga lokal na opisyal at magsagawa ng la nina pre-disaster risk assessment.
Nanawagan din ito ng agresibong paglilinis ng Estero at daluyan ng tubig upang maiwasan ang mga pagbaha bilang bahagi ng mitigation measures sa ilalim ng operation listo ng ahensya.
Kinakailangan din na masuri ang integridad at kapasidad ng mga evacuation center at huling opsyon na lamang ang paggamit ng paaralan.
Nauna ng inatasan ni Pangulong Ferdinand Marcos Jr. ang mga LGU na maghanda sa paparating na La niña sa kabila pa rin ito ng nararanasang El niño ng bansa.
