Paglago ng ekonomiya ng bansa, naitala sa 5.6% sa unang quarter ng 2019; pinakamabagal simula 2015 – Neda

by erika endraca | May 10, 2019 (Friday) | 122

Manila, Philippines – Naitala ng Philippine Statistics Authority (PSA) ang pinakamabagal na paglago ng ekonomiya ng bansa sa nakalipas na 4 na taon nitong unang quarter ng 2019.

Batay sa ulat ng psa, bumagal sa 5.6 percent ang paglago ng Gross Domestic Product (GDP) ng Pilipinas mula Enero hanggang Abril ng taong kasalukuyan.

Ayon kay Neda Secretary Ernesto Pernia, pinakamababa itong economic growth na naitala sa loob ng apat na taon mula noong 2015.

Noong first quarter naman ng 2018, nasa 6.5 percent ang naitalang paglago sa ekonomiya samantalang sa December 2018 naman, naitala ang 6.3% gdp growth.

Nauna nang ibinababala ng mga economic managers ng Duterte administration na lubhang makaka-apekto sa ekonomiya ng Pilipinas ang di pagpapasa ng pambansang pondo sa tamang oras.

“That’s why it was very important for us, even for the next budget, to pass it on time. You know, we missed spending one billion pesos a day in the first four months – one billion pesos a day that could have gone to hiring more people to construct roads, to providing health care, to providing better education.”ani  Department of Finance Secretary Carlos Dominguez.

Giit naman ni Secretary Pernia, kinakailangang makahabol sa nalalabing tatlong quarters ng taon ang ekonomiya ng bansa sa pamamagitan ng mabilis na pagpapatupad ng fiscal program sa ilalim ng 2019 General Appropriations Act (GAA).

Ayon din kay finance secretary dominguez, kinakailangang mapaigting ang infrastructure spending ng pamahalaan.

“The specific measures are basically with accelerating the spending, you accelerate the bidding process, you ask the DPWH and the DOTR to, you know, move their projects faster. Those are the projects. And there are, i don’t know, thousands of projects that we are doing this thing on. That’s why it was so important to pass the budget on time. You know, all of these discussions about the budget really hurt the filipino people.”  ani Department of Finance Secretary Carlos Dominguez.

(Rosalie Coz | Untv News)

Tags: , ,