Umapela si dating Technical Education and Skills Development Authority Director General at ngayo’y Senator-Elect Joel Villanueva na pagtuunan din ng pansin ng incoming administration ni President Elect Rodrigo Duterte ang paglikha ng mas maraming job opportunities.
Ito ay upang matulungan din ang mga kabataang maghanapbuhay imbes na masangkot sa paggawa ng kriminalidad.
Inihayag naman nitong handang makipagtulungan kay President-Elect Duterte lalo na sa sektor ng paggawa at edukasyon.
“Ako naman po bukas po ang aking pintuan sa anumang pwede nating maitulong sa usapin ng tech-voc sector lalo na sa usapin ng technical vocation education and training.” Pahayag ni Senator-elect Joel Villanueva.
(UNTV RADIO)
