METRO MANILA – Ipinagtanggol ni Philippine National Police Chief PGen. Guillermo Eleazar ang ginagawang pag- iikot at pagtatanong ng mga pulis sa mga community pantry sa bansa.
Ayon kay Gen. Eleazar, hindi dapat lagyan ng hindi magagandang interpretasyon ang ginagawang ito ng mga pulis.
“Everybody should understand na ang trabaho ng pulis ay umikot, magtanong, kasama yun e, kaya lang syempre, nami mis enterpret na nangha harrass, at yun ang nakakalungkot, ang problema natin if they interpret everything na ganon na harrassment ay talagang talo tayo” ani PNP Chief, PGen. Guillermo Eleazar.
Patuloy na pinabibisita ng bagong PNP Chief sa mga pulis ang mga community pantry.
Ngunit, bilin niya sa mga ito, iwasan na ang maraming tanong sa mga organizer.
“Just the same pinagbilinan natin ang ating mga pulis na puntahan ng maayos, kausapin at i-assist na lamang sila” ani PNP Chief, PGen. Guillermo Eleazar.
Ang presensya ng mga pulis sa community pantries ay para sa proteksyon ng bawat isa at upang mapanatili ang pagsunod sa ipinatutupad na health protocols.
(Lea Ylagan | UNTV News)
Tags: Community Pantry, PNP
METRO MANILA – Bumaba ang bilang ng krimen sa Davao City ngayong taon batay sa record ng Davao City Police Office.
Mula January hanggang May 2024, umabot lamang sa 1,759 ang naitalang crime incident sa lungsod na mas mababa sa kaparehong period noong nakaraang taon na 1,831 cases.
Nangunguna parin dito ang mga kaso ng pagnanakaw, pagpatay at rape.
Bumaba rin ang bilang ng mga naiuulat na index crime ngayong 2024 tulad murder, homicide, physical injury, rape, robbery, theft at carnapping.
Ayon sa Davao City Police, ang pagbaba ng krimen ay dahil sa maigting na pagpapatupad ng police operation at peace and order sa lungsod.
Sa kabila rin ito ng isyung kinaharap ng Davao City PNP tulad sa paghahanap sa Religious Group Leader na si Apollo Quiboloy at sa kamakailang pag-relieve sa 35 pulis sa kanilang dako.
Patunay lamang ito na nanatili paring isa sa safest city sa Asia ang Davao City.
Tags: crime rate, Davao, PNP
METRO MANILA – Nagbabala ang Bureau of Immigration (BI) sa mga dayuhan laban sa paggawa ng bomb jokes dahil maaaring ma-deny ang kanilang pagpasok sa bansa, o kaya naman ay ma-deport.
Ayon kay BI Commissioner Norman Tansingco, hinihikayat ng ahensya ang mga foreigner na iwasan gumawa ng anomang pahayag o biro na maaaring ituring na banta sa seguridad.
Inilabas ng ahensya ang pahayag matapos na maantala ng 5 oras ang Japan-bound flight ng Philippine airlines PR412 matapos na makatanggap ng bomb threat call ang airport authority mula sa hindi nagpakilalang babae.
Tags: BI, Bomb Jokes, PNP
METRO MANILA – Ipinagbabawal na ng Philippine National Police (PNP) ang pagkakaroon ng tattoo sa lahat ng uniformed at non-uniformed personnel nito.
Ayon kay PNP Public Information Office Chief PCol. Jean Fajardo, mayroong polisiya ang PNP na nagbabawal sa paglalagay ng tattoo sa katawan lalo na yung nakalabas sa uniporme.
Hindi naman tatanggapin ng PNP ang mga aplikante na mayroong tattoo kahit na nakatago ito sa katawan.
Binalaan naman ng pulisya ang mga hindi susunod sa polisiya na burahin ang mga visibile na tattoo sa katawan na isasailalim sila sa imbestigasyon.
