Iligal ang plano ng Commission on Elections na simulan ng mas maaga at palawigin hanggang isang daan at dalawampung araw ang campaign period ng mga National at Local Candidate ng hindi dumadaan sa Kongreso.
Ayon sa Election Lawyer na si Attorney George Erwin Garcia, malinaw ang nakasaad sa Omnibus Election Code na 90 days ang campaign period para sa National Candidates habang 45 days naman sa Local Candidates.
Aniya, Kongreso ang nagtakda ng panahon kaya Kongreso rin ang magbabago nito.
Kung itutuloy ng Comelec ang plano sa pamamagitan lamang ng isang resolusyon mauuwi ito sa legal battle sa Korte Suprema.
Una nang sinabi ni Comelec Commissioner Christian Robert Lim na sa ilalim ng Section 28 ng Republic Act 8436 maari nilang ilipat lipat ang mga pre-election activity.
Ngunit ayon kay Atty. Garcia, bagamat may diskresyon ang Comelec na maglipat-lipatsa mga pre-election activities.
Ito ay sa para lamang sa usapin ng mga ipinagbabawal sa election period gaya ng gun ban pero hindi nito saklaw ang pagbago sa campaign period.
Paglilinaw naman ng Comelec, panukala pa lamang ang pagpapahaba sa panahon ng kampanya ng mga kandidato at kung maging katanggap-tanggap sa publiko saka pa lamang pag-aaralan kung paano ito ipatutupad.
Layon ng panukala na mapigil ang mga epal candidates o ang maagang nagpapalabas ng campaign ads dahil mas maaga nang mamomonitor ng Comelec ang kanilang gastos sa pangangampanya.
Pero ayon kay Atty. Garcia tila huli na ito dahil matagal nang may naglalabasang ads ang ilang pulitikong nagbabalak tumakbo.
Ayon kay Atty. Garcia, mas makabubuti kung palalakasin na lamang ang information campaign upang huwag nang iboto ang mga pa-epal na kandidato.
Tutol din sa panukala si Senator Ralph Recto dahil makakaapekto aniya ito sa Economic Growth ng bansa.
Sa panig naman ni House Committee of Suffrage and Electoral Reforms Chairman Congressman Fredenil Castro, pabor ito na gawing 120 days ang Campaign Period ng National Candidates dahil sa dami ng lugar na dapat na puntahan habang tama lamang na 45 days ang para sa local candidates.( Victor Cosare/UNTV News)
Tags: Attorney George Erwin Garcia, COMELEC, House Committee of Suffrage and Electoral Reforms Chairman Congressman Fredenil Castro
METRO MANILA – Inanunsyo ni Commission on Election (COMELEC) Chairman George Erwin Garcia na handa nang i-deliver ng South Korean firm na Miru Systems ang 110,000 Automated Counting Machines (ACMs) na gagamitin sa darating na 2025 mid-term election.
Sa pahayag ni Comelec Chairman Garcia, kontento ang komisyon at hindi sila nagkamali sa pagpili sa Miru bilang provider ng automated system para sa darating na eleksyon.
Noong nakaraang February 22, 2024, iginawad ng Comelec ang Full Automation System with Transparency Audit/Count (FASTRAC) na proyekto sa joint venture ng Miru Systems Co. Ltd., Integrated Computer Systems, St. Timothy Construction Corporation, at Centerpoint Solutions Technologies Inc.
Nagpasalamat din si Garcia sa South Korean company sa pagpapakita sa Comelec team kung paano ang manufacturing ng ACMs.
Tags: COMELEC, Miru SYstem
METRO MANILA – Umaasa ang Commission on Elections (COMELEC) na maaabot nito ang magandang voter turnout para sa overseas voting sa darating na 2025 midterm elections.
Ayon kay Comelec Spokesperson Director John Rex Laudiangco, target nilang ma-hit ang 70% hanggang 80% ang voter turnout target.
Positibo ang ahensya na maaabot ito dahil sa kauna-unahang gagawin na internet o online voting kung saan gamit lamang ang gadgets ay maaari nang bumoto.
Noong 2022 national and local elections nasa 38% lamang ang voter turnout ng overseas voting o 600,000 ang bumoto sa 1.6 million na rehistradong botante.
Tags: COMELEC, Internet Voting
METRO MANILA – Muling nagpaalala ang Commission on Election (COMELEC) sa mga Pilipinong nasa ibayong dagat na magparehistro bilang botante para sa darating na 2025 midterm election.
Maaaring magparehistro ang ating mga kababayan na nagtatrabaho o permanenteng naninirahan sa labas ng bansa.
Maaari rin na magparehistro ang mga pinoy na nasa ibang bansa sa araw ng national election.
Kinakailangan lamang dalhin ng aplikante ang kanilang valid Philippine passport sa pinakamalapit na Philippine embassy o konsulado ng bansa, o kaya naman ay sa registration centers sa Pilipinas.
Tags: COMELEC, OFW, voter registration
