METRO MANILA – Naka-depende sa bilis ng pagdoble ng COVID-19 cases at porsyento ng nagagamit nang kapasidad sa critical care ang desisyon ng pamahalaan kaugnay ng lebel ng community quarantine na ipatutupad sa Metro Manila, ang epicenter ng pandemiya sa bansa.
Ayon kay Presidential Spokesperson Harry Roque, sa linggong paparating, sisiyasatin na ng Inter-Agency Task Force (IATF) kontra COVID-19 ang mga datos kaugnay nito.
Ito ay upang malaman kung maaari na bang luwagan o kailangang higpitan ang ipinatutupad na quarantine resrictions sa Metro Manila.
“Sa darating na Linggo, magkakaroon na po ng preliminary review of data kasi may isang linggo na pong nakalipas by then at malalaman po natin kung mananatili po ang GCQ, kung magfu-further relax to MGCQ o kung babalik sa Modified ECQ.” ani Presidential Spokesperson Sec. Harry Roque.
Samantala, umapela naman ang Malacañang sa publikong paigtingin ang pag-iingat kasabay ng 2nd phase resumption ng public transport ngayong Lunes (June 22).
Balik-operasyon na ang public utility buses maging ang modern utility vehicles sa Metro Manila subalit limitado lamang sa 50% capacity.
Ito ay bagaman, mareresolba na rin aniya ang suliranin ng riding public sa kakulangan ng transportasyon dahil sa umiiral na community quarantine.
“Kinakailangan po talagang mag-social distancing, dahil wala na pong alternatibo, kinakailangan siguraduhin natin ang 50 percent capacity lang ang mga bus, kasi baka kailangan nga natin ng transportasyon para sa trabaho. Baka naman sa kawalan ng social distancing ang maging dahilan para magkasakit at mamatay.” ani Presidential Spokesperson Sec. Harry Roque.
(Rosalie Coz | UNTV News)
Tags: GCQ, Metro Manila
METRO MANILA – Inihayag ni Pangulong Ferdinand Marcos Junior na mananatili sa P1,000 ang babayarang multa para sa illegal parking ng mga mahuhuling motorista.
Ipinatigil na muna ni PBBM ang probisyon ng joint traffic circular ng Metro Manila Council na itaas ang multa para sa illegal parking mula P1,000 hanggang P4,000.
Naniniwala naman ang pangulo na madadaan pa sa disiplina ang mga motorista at magkakaroon ng pangmatagalang solusyon sa kinakaharap na problema sa trapiko sa Pilipinas lalo na sa Metro Manila.
Tags: illegal parking, Metro Manila, traffic
METRO MANILA – Inaasahan ang pagtataas sa sahod ng mga kasambahay sa Metro Manila at mga minimum wage earner sa Caraga region matapos aprubahan ng kani-kanilang wage boards ang wage increase.
Sa isang pahayag, inanunsyo ng Department of Labor and Employment (DOLE) na kinumpirma ng National Wages and Productivity Commission (NWPC) ang wage order na isinumite ng Regional Tripartite Wages and Productivity Board (RTWPB) sa Caraga at NCR noong December 13, 2023.
Sa inilabas na Moto Propio Wage Order ng Caraga RTWPB, noong December 5, madaragdagan ang daily minimum wage ng P20 sa lahat ng sector mula January 1, 2024.
Habang magkakaroon pa ng additional P15 sa second tranche sa May 1, 2024.
Samantala naglabas din ng Moto Propio ang RTWPB ng NCR noong Decembr 12, kung saan nakasaad na madadagdagan ng P500 ang buwanang sahod ng mga kasambahay sa Metro Manila.
Dagdag pa ng DOLE, na ang wage orders ng RTWPB ng Caraga ay inilathala nitong December 16 at magiging epektibo 15 days mula sa publication nito
Habang ngayong December 18, 2023 naman ilalathala ang wage order para sa mga kasambahay sa NCR.
Tags: CARAGA Region, Metro Manila, minimum wage
METRO MANILA – Nasa 48 cubic meters per second ang unang inilabas na alokasyon ng National Water Resources Board (NWRB) ngunit humiling ang Metropolitan Waterworks and Sewerage System (MWSS) na pataasin bunsod ng nararanasang tag-init
Hindi na magkakaroon ng kabawasan sa alokasyon ng tubig sa Metro Manila at karatig lalawigan nito matapos ilabas ng National Water Resources Board (NWRB) ang pinal na desisyon nito dahil sa hiling ng MWSS na itaas sa 50 cubic meters per second ang pag-release ng tubig.
Nauna nang inaprubahan ng NWRB ang 48 cubic meter per second sa buwan ng Abril ngunit binago nito ang desisyon epektibo bukas (April 4) hanggang April 15.
Ayon kay NWRB Executive Director Dr. Sevillo David Junior, ito rin ay upang ma-address ang sunod-sunod na water service interruptions na nararanasan sa Metro Manila at kalapit probinsya.
Tags: Metro Manila, MWSS, NWRB
