Nakabuti ang pagpasok ng tag-araw at epekto ng El Niño sa bansa sa pagbaba ng kaso ng Newcastle disease.
Ngayong Abril ay nasa 4 pa lamang ang naitatalang kaso kumpara noong Marso na 19 at noong Pebrero naman na 35 kaso.
Mula noong Nobyembre ng nakaraang taon ay mahigit sa 700 libo na ang naapektuhan ng virus na karamihan ay mula sa mga alagang manok sa bakuran.
Ayon sa Bureau of Animal Industry, kayang patayin ng sinag ng araw at tindi ng init ang virus ng Newcastle disease.
Kasalukuyang nararanasan ang epekto ng El Niño sa bansa kasabay ng tag-araw.
Kahapon ay nailata ang 39.3’c sa General Santos City habang sa science garden sa Quezon City din ay naitala naman ang pinakamainit mula noong Enero na umabot sa 36.3’c.
Karamihan ng mga kaso ng Newcastle disease ay naitala sa Northern at Central Luzon.
Babala ng Bureau of Animal Industry, nakahahawa ang virus sa mga tao lalo na’t lumakas pa ang strain nito.
Maaaring itong maging sanhi ng conjunctivitis na ang sintomas ay pamumula ng mata.
Payo naman ng mga otoridad ang publiko na wag nang kainin ang manok na tinamaan ng Newcastle disease kundi ibaon na lamang sa lupa.
Hugasang mabuti ang kamay kung naihawak sa manok ng epektado ng sakit.
(Rey Pelayo / UNTV Correspondent)
Tags: El Nino, newcastle disease, pagbaba ng kaso, tag-araw
METRO MANILA – Nagbigay na ng direktiba si Defense Secretary Gilberto Teodoro Jr. sa Task Force El Niño ng pamahalaan na maghanda na sa paparating ng La Niña.
Ayon sa State Bureau PAGASA, ang bansa ay kasalukuyang nasa weak El Niño at posible itong tumagal hanggang sa katapusan ng Hunyo.
Dagdag ng PAGASA, maaring ma-develop ang La Niña sa mga darating na buwan.
Hinikayat naman ni Presidential Communications Assistant Secretary Joey Villarama, tagapagsalita ng Task Force El Niño, na patuloy na maging matalino sa paggamit ng tubig, kuryente at maging sa pagkain hanggang sa opisyal nang inanunsyo ang pagtatapos ng El Niño.
Tags: El Nino, Task force
METRO MANILA – Inihayag ng Philippine Atmospheric Geophysical and Astronomical Services Administration (PAGASA) na tapos na ang pinakamatinding init na posibleng maranasan sa bansa.
Ito ay dahil nagsisimula nang maranasan ang localized thunderstorms sa ilang bahagi ng Pilipinas.
Sa isang panayam sinabi ng PAGASA, na maaaring naitala na ang pinakamainit na temperatura sa bansa noong April 27, kung saan pumalo sa 40.3 degrees celsius na actual temperature ang
naranasan sa Tarlac.
Gayunman sinabi ng state weather bureau na maaari pa ring makaranas ng mataas na heat index ang ilang mga lugar na pwedeng umabot sa 45 hanggang 48 degrees celsius.
Samantala base sa forecast ng PAGASA, maaring magsimula ang La niña sa bansa pagsapit ng buwan ng Hunyo hanggang Agosto.
METRO MANILA – Inihayag ng State Weather Bureau PAGASA na posibleng makapagtala ng “extreme danger level” na init ng temperatura ang marami pang lugar sa bansa sa darating na mga araw.
Ayon sa ahensya, inaasahan na bababa ang heat index kasabay ng paghina ng El Nino phenomenon sa darating na June or July.
Batay sa datos ng Department of Health (DOH), umabot na sa 67 heat related illnesses na nasa edad na 12 hanggang 21 ang naitala sa bansa mula January hanggang April 29.
Hinimok naman ng DOH ang mga paaralan na huwag nang magsagawa ng outdoor activities para maiwasan ang panghihina ng katawan ng mga mag-aaral dahil sa matinding init.
