Alas tres ng hapon nang magtapos ang deadline para sa pagbabayad ng 600 million pesos ransom kapalit ng paglaya ng tatlo pang bihag ng grupong Abu Sayyaf.

Ang mga ito ay ang Norwegian National Kjartan Sekkingstad; Canadian National Robert Hall at ang Filipina na si Marites Flor na dinukot sa Samal Island noong isang taon.

Isang oras makalipas, napabalitang pinugutan na ng ulo ang isa sa mga hostage.

Ngunit ayon sa AFP, hindi pa nila ito makumpirma.

Nanindigan rin ang pamahalaan na hindi ito magbibigay ng ransom sa bandidong grupo.

(Darlene Basingan / UNTV Correspondent)

Tags: Abu Sayyaf Group, AFP, isa sa mga hostage, Pagpugot sa ulo