Walang sinusunod na timeline ang Armed Forces of the Philippines o AFP sa pagpuksa sa bandidong Abu Sayyaf Group.

Bagamat mas malakas na ngayon ang pwersa ng mga militar dahil sa karagdagang sundalo na ipinadala sa Basilan at Sulu, hindi minamadali ng AFP ang kanilang operasyon laban sa ASG upang matiyak na magiging maganda ang resulta nito.

Sa ngayon ay tiwala ang AFP na mas maliit na ang ginagalawang lugar ng ASG.

Katunayan dito ay madalas na may nangyaring engkwentro dahil wala nang malaking lugar na mapagtataguan o maatrasan ang mga kalaban.

Samantala tiniyak din ng militar na sa bawat operasyon ay palagi nitong isinasaalang- alang ang kaligtasan ng bawat sundalo gayundin ng mga kidnap victims na hawak ng bandidong grupo.

(Dante Amento / UNTV Correspondent)

Tags: AFP, Pagsugpo sa Abu Sayyaf Group