METRO MANILA – Madadagdagan ng P100 ang hulog sa Social Security System (SSS) sa mga kumikita ng P10,000 kada buwan, mula ngayong Enero na paghahatian ng employer at employee.
Mas mataas pa dito ang para sa mga mas matataas ang sweldo.
Ayon sa SSS ito ay nakasaad sa Republic Act 11199 o ang Social Security Act of 2018 kung saan hanggang 2025 ay nakatakdang taasan ang kontribusyon ng hanggang 15%.
Pero sa mga kumikita ng mahigit sa P20,000 ay uumpisahan narin ang “Worker’s Investment and Savings (WISP) program”.
Para ito sa mga empleyado maging sa mga OFW P3,250 ang kanilang ihuhulong kung saan ang 650 pesos namansa WISP. Mas malaki ang magiging bahagi ng employer.
Ayon sa SSS, ang pinaka layunin nito ay madagdagan ang benepisyo ng mga kuwalipikadong miyembro para sa pagreretiro nito, total disability o death.
“Ang ibig sabihin noon sa isang karaniwang empleyado, nag invest ka ng 225 pesos, right away kumita ka ng 425 pesos na employer match. That’s like a 189% return right of the path. “ani SSS Chief actuary, Atty. Edgar Cruz.
Umpisa narin ngayong buwan ang dagdag sa PhilHealth. Plus P50 para sa mga kumikita ng 10 libo pababa habang mas mataas din sa mas mataas ang sweldo.
Ayon sa philhealth, ito’y base sa Universal Health Care Law para matiyak ang katatagan ng pondo ng ahensya.
Pero parehong tutol sa mga nasabing pagtaas sa kontribusyon ang Labor at Employers’ Group.
“Mahirap ngayon ang pamumuhay dahil sa pandemic at ikalawa, medyo hindi po maganda ang reputasyon ng PhilHealth dahil dito sa graft and corruption issue na nakapalibot sa Philhealth.”
“Pwede naman i-defer yan. Maraming issues na remaining to be clarified at siguro ngayong time na ‘to, lahat ng tao eh naghihikahos sa pera so even piso is important to many.” ani ECOP President, Sergio Ortiz-Luiz Jr.
(Rey Pelayo | UNTV News)
Tags: Philhealth, SSS, SSS contribution increase
METRO MANILA – Inianunsyo ng Philippine Health Insurance Corporation (PhilHealth) na may P13,000 na benefit package ang ahensya para sa sakit na Pertussis.
Sakop anila ang nasa P13,000 hanggang P16,000 na case rate ng kanilang konsulta package sakaling ma-admit sa ospital ang isang pasyenteng may Pertussis o Whooping Cough .
Bukod pa ito sa magiging gastos para sa antibiotics.
Ang konsulta package ng PhilHealth, ay ang primary health care program ng ahensya na nag-o-offer ng libreng consultation, laboratory tests at mga gamot.
Dagdag pa ng PhilHealth, sakaling mag-develop sa Pneumonia ang sakit ng pasyente maaari rin silang makapag-avail ng case rate package na aabot sa P90,000.
Tags: Benefits, Pertusis, Philhealth
METRO MANILA – Inihahanda na ng Social Security System (SSS) ang Calamity Loan Assistance Program na maaring i-avail ng mga Overseas Filipino Workers (OFWs) na naapektuhan ng malakas na lindol sa Taiwan.
Ito ay para sa mga OFW na pawang mga miyembro ng SSS.
Ayon kay SSS President and CEO Rolando Macasaet, ito ang unang pagkakataon na kanilang ie-extend ang loan program para sa mga Filipino worker na biktima ng kalamidad sa ibang bansa.
Paliwanag ng SSS ang calamity loan ay kanila lamang ino-offer para sa mga miyembro na apektado ng kalamidad sa Pilipinas.
Sa datos ng SSS, mayroong nasa 10,000 OFWs na active members ang nagta-trabaho sa Taiwan.
Tags: Calamity Loan, SSS, Taiwan OFWs
METRO MANILA – Nangako ang Philippine Health Insurance Corporation (PhilHealth) na magiging libre na ang Mammogram at Ultrasound screening sa mahigit 2,000 accredited hospitals sa buong bansa pagdating ng Hulyo.
Layon ng programa na matulungan ang mga kababaihan sa early detection at pag-iwas sa breast cancer at iba pang mga sakit.
Parte ito ng pagpapalawak ng primary care benefits sa ilalim ng konsulta package ng ahensya.
Tags: Philhealth