METRO MANILA – Inihayag ni outgoing International Criminal Court (ICC) Chief Prosecutor Fatou Bensouda na tinapos na nila ang preliminary examination sa war on drugs ng Pilipinas.
At, humiling na rin ito ng pahintulot sa pre-trial chamber ng ICC para sa pormal na imbestigasyon.
Binigyang diin ni Bensouda na makatuwirang paniwalaang may nangyaring krimen laban sa sangkatauhan na pagpatay sa panunungkulan ni Pangulong Rodrigo Duterte simula 2016.
Iginiit ni Bensouda na bagamat kumalas na ang Pilipinas sa ICC epektibo noong March 17, 2019.
Nananatili aniya ang hurisdiksyon ng ICC sa mga nangyaring krimen sa panahon na kasapi pa nito ang Pilipinas.
Kaugnay nito, naniniwala si Atty. Neri Colmenares, abugado ng complainants sa ICC laban sa presidente na makakamit ang hustisya para sa biktima ng umanoy extrajudicial killings.
“Napakalakas ng ebidensya kasi ang mga complaints na ito may testigo ang pamilya mismo nakita paano pinatay sino ang pumatay, paanong pinatay. Ang isa sa pinakamatibay na ebidensya sa korte ay ang testimonial evidence.” ani NUPL/Counsel for Complainants Atty. Neri Colmenares.
Dagdag pa ni Colmenares, umaasa silang makikipagtulugan ang pamahalaan oras na simulan na ng ICC ang pag-iimbestiga.
“Bagamat natuwa kami na maglunsad na ng investigation siyempre umaasa din yung pamilya na mag-isyu ng warrant of arrest. Alam mo ang anak nila, kapatid nila, tatay nila pinatay ng walang habas e so simple lang ang hinihingi nila sana may kulang naman na konti dito.”ani NUPL/Counsel for Complainants Atty. Neri Colmenares.
Samantala, kinokonsidera naman ng ilang human rights group na welcome development ang hakbang na ito ng ICC.
Ayon sa human rights watch sa pamamagitan ng pag-iimbestiga ng ICC, mananagot ang pangulo hinggil sa kanyang war on drugs.
Samantalang naniniwala ang Human Rights Advocate at Amnesty International Secretary-General na si Agnes Callamard na pagasa ito sa libu-libong pamilya na nawalan ng mahal sa buhay.
(Dante Amento | UNTV News)
Tags: Duterte administration, ICC
METRO MANILA – Aminado ang Department of Justice (DOJ) na mahirap para sa Bureau of Immigration (BI) na matukoy ang pagkakakilanlan ng mga imbestigador mula sa International Criminal Court (ICC) na papasok sa Pilipinas
Ayon kay DOJ Spokesperson Assistant Secretary Mico Clavano, hindi basta mabeberipika o makukumpirma ng immigration ang pagkakakilanlan ng mga ito.
Gayunman, naniniwala ng DOJ na wala pang presensya ang ICC investigators dito sa Pilipinas, taliwas sa mga kumakalat na balita.
Nauna nang sinabi ni Dating Presidential Spokesperson Harry Roque na kumpirmadong nakapasok na ng Pilipinas ang mga kinatawan ng ICC at nagsasagawa na ng imbestigasyon.
Kaugnay nito, nais sana ng DOJ na makausap si Attorney Roque, upang maibahagi sa kanila ang mga impormasyong nalalaman nito hinggil sa ICC.
METRO MANILA – Nagbabala ang Department of Justice (DOJ) sa International Criminal Court (ICC) na huwag nang magpumilit na pumasok sa bansa para ituloy ang imbestigasyon sa war on drugs ng nagdaang Duterte administration.
Binigyang diin ni DOJ Secretary Crispin Remulla na hindi na welcome sa bansa ang mga ito.
Kakausapin din aniya ang solicitor general na itigil na ang engagement sa ICC.
Payo pa ng DOJ sa ICC, pagtuunan na lang ng pansin ang mga bansa na walang umiiral na sistema ng hustisya at magulo.
Samantala, ayon naman sa abogado ng ilan sa mga sinasabing biktima ng war on drugs, patuloy silang makikipagtulungan sa ICC.
Umapela din sila sa mga Civil Society Organization na tulungan ang mga biktima sa pangangalap ng mga dokumento na makatulong sa imbestigasyon ng ICC.
METRO MANILA – Hindi pinagbigyan ng International Criminal Court (ICC) appeals chamber ang hiling ng Pilipinas na huwag nang ituloy ang imbestigasyon sa war on drugs at ang isyu ng Davao death squad ng nakaraang Duterte administration.
Tatlong huwes ng ICC appeal chamber ang bumuto pabor at 2 naman ang dissenting o tutol.
Ayon pa sa ICC appeals chamber, hindi isyu ng hurisdiksyon ang naging basehan sa desisyon kundi walang mali sa naging desiyon ng kanilang pre-trial chamber na payagan ang prosecutor na ituloy ang imbestigasyon.
Kabilang sa mga dahilan o ground bakit gusto sana na pamahalaan na huwag ituloy ang pag-iimbestiga ng ICC ay dahil wala itong hurisdiksyon sa Pilipinas matapos tayong kumalas noong 2019.
Ayon naman sa grupong human rights watch, ang desisyon ng ICC judges ay susunod na hakbang para mga biktima ng war on drugs.
Dapat din aniyang patunayan ng Marcos administration ang commitment sa pagtataguyod ng human rights at makipagtulungan sa imbestigasyon.
Tags: ICC, war on drugs
