Nilinaw ni National Security Adviser Hermogenes Esperon na may mga ginagawang hakbang ang pamahalaan hinggil sa ulat ng umano’y militarisasyon ng China sa West Philippine Sea.
Ayon sa opisyal, hindi sila tumitigil sa pagmomonitor at pag-aassess sa pinagtatalunang teritoryo. Ilan sa mga binanggit nitong hakbang ay ang pagdedeploy ng mas maraming tropa ng pamahalaan kabilang na ang Navy, Air Force at Coast Guard para magpatrolya sa lugar gayundin ang pagsasagawa ng joint cooperations sa ibang bansa.
Pinag-aaralan na rin aniya ng Duterte administration ang pagpapadala ng note verbale sa China hinggil sa umano’y patapos nang militarization sa pitong reefs sa South China Sea o West Philippine Sea.
Sa huli, nagbigay ng katiyakan ang pamahalaan na importante sa gobyerno ang usapin sa West Philippine Sea subalit ‘di ito ang buod ng relasyon ng Pilipinas sa ibang bansa.
Kamakailan ay tinuligsa ni Liberal Party President Senator Francis Pangilinan ang Malacañang at sinabing nakakabahala ang tila kawalang-interes umano nito sa nangyayaring militarisasyon sa South China Sea at umaasa lang sa pangako ng China na hindi na magsasagawa ng panibagong artificial island building at reclamations.
( Rosalie Coz / UNTV Correspondent )
Tags: China, Navy, West Philippine Sea
METRO MANILA – Nagbigay ng sagot ang China sa pahayag na sinadya nito ang agresibong aksyon ng China Coast Guard laban sa tropa ng Pilipinas na nagsagawa ng rore misyon sa Ayungin Shoal noong June 17.
Ayon kay China Ministry of Foreign Affairs Spokesperson Mao Ning, nilinaw na ng China ang nangyari at ang posisyon nito sa umano’y ilegal na pagpasok ng mga sasakyang pandagat ng Pilipinas sa Ayungin Shoal na tinatawag nilang Ren’ai Jiao, at iginiit na teritoryo ito ng China.
Sinabi rin ni Mao na dapat itigil na ng Pilipinas ang umano’y probokasyon at paglabag nito sa soberanya ng China,
Isaayos ang maritime differences sa pagitan ng 2 bansa sa pamamagitan ng negosasyon at konsultasyon, at magtulungan para sa pagtsataguyod ng kapayapaan sa South China Sea.
METRO MANILA – Dapat ipatawag na ang Chinese ambassador sa Manila dahil sa huling agresyon ng China sa West Philippine Sea (WPS).
Isang Philippine Navy Service member ang naputulan ng daliri at anim na iba pa ang nasugatan kasunod ng banggaan ng 1 Chinese ship at Philippine vessel na nasa isang rotation at resupply mission sa Ayungin Shoal, araw ng Lunes, June 17.
Kailangan na ring iakyat ang usapin sa international bodies gaya ng United Nations.
Samantala, nagtataka naman si House Deputy Minority Leader at ACT Teachers’ Party-list Representative France Castro sa aniya’y tila pananahimik ni Pangulong Ferdinand Marcos Junior sa pinakahuling pangyayari sa West Philippine Sea (WPS).
Ayon sa kongresista, hindi pwedeng business as usual sa usapin.
METRO MANILA – Isinasapinal na ang environmental case na isasampa ng Pilipinas laban sa China kaugnay ng pinsala sa West Philippine Sea (WPS) sa loob ng ilang Linggo ayon sa Department of Justice (DOJ).
Ayon kay DOJ Spokesperson Mico Clavano, patuloy naman na nakikipag-ugnayan ang Office of the Solicitor General (OSG) sa pangangalap ng ebidensya para sa mas malakas na demanda.
Pinag-aaralan rin ng OSG ang mga legal na opsyon sa nasirang coral at seabed sa rozul reef at escoda shoal sa wps, kabilang ang paghahain ng reklamo sa international tribunal na nakakasakop dito, gaya ng Permanent Court Arbitration (PCA) sa The Hague.
