Pamamahala sa Bureau of Corrections, ipinanukala na ibalik sa DOJ    

by Radyo La Verdad | November 28, 2022 (Monday) | 3062

Sa ilalim ng Bureau of Corrections Modernization Law of 2013 ay ginawang autonomous o bukod ang kawanihan. Paliwanag ni dating Department of Justice Secretary at ngayon Solicitor General Menardo Guevarra, dahil dito, supervision na lang ang tungkulin ng DOJ at wala itong kontrol sa BUCOR. Papasok na lang ang DOJ kung lumalagpas na ang BUCOR sa itinatakdang kapangyarihan nito.

Sa panahon ni Guevarra bilang DOJ Secretary, pinasok ni Suspended BUCOR Chief Gerald Bantag ang Joint Venture Agreement kasama ang Agua Tierra Oro Mina Development o ATOM corporation.

Dito nadiskubre kamakailan ang malaki at malalim na hukay sa BUCOR na ayon pa kay Bantag ay para sa isang diving pool.

Ayon kay Guevarra, hindi niya ito alam at inirekomenda niya kay dating Pangulong Rodrigo Duterte na huwag aprubahan ang kasunduan dahil labag sa batas.

Dagdag pa ni Guevarra, ang mga sheningans o kalokohan sa loob ng BUCOR ay malalim ang pinag-uugatan at instutionalized.

Ang rekomendasyon ni Solgen Guevarra ay magkaroon ng kabuoang pagsasaayos sa BUCOR at dapat ikonsidera aniya ng kongreso na maibailik ang buong kontrol sa BUCOR sa DOJ sa halip na supervision lamang.

Samantala, kabilang naman sa plano ng bagong pamunuan ng BUCOR na mapalaya na ang bilanggo na may edad pitumpu pataas.

Sa isang panayam kay BUCOR OIC Director General PIO Catapang Jr., sinabi nito na ang paggagawad ng Executive Clemency ay para ma-decongest na ang mga piitan sa bansa.

Dante Amento | UNTV News

Tags: , ,