Isang karangalan para sa pamilya Medina ang mapabilang si Maxine sa naggagandahang mga kandidata ng 65th Miss Universe.

Bagaman hindi siya nakapasok sa top three matapos ang unang question and answer portion, ikinagagalak pa rin ng pamilya ang kanyang Top 6 finish sa prestihiyosong beauty pageant.

Idinepensa rin ng pamilya Medina ang paggamit ni Maxine ng wikang Ingles sa pagsagot sa Q & A kahit mayroon itong nakahandang interpreter.

Itinuturing rin ng pamilya Medina si Maxine bilang Pride of the Philippines kahit nabigo itong makamit ang back-to-back crown win sa Miss Universe Pageant.

Matapos ang stint sa Ms. Universe, posible umanong ituloy ni Maxine ang pag-aaral nito sa kursong interior designing pati na ang pagkakaroon ng modelling career.

(Aiko Miguel / UNTV Correspondent)

Tags: ipinagmalaki ang Top 6 finish ni Miss Philippines Maxine Medina, Pamilya Medina