File Photo

Isa ang iniwang patay ng pananalasa ng bagyong Butchoy sa Pilipinas.

Ayon sa National Disaster Risk Reduction and Management Council o NDRRMC isang katorse anyos na lalaki ang nasawi matapos malunod sa isang creek sa Cainta, Rizal.

Isang kinse anyos na lalaki rin ang naitalang nawawala sa Valenzuela City habang nangongolekta ng basura sa Tullahan Bridge.

Dalawa naman ang sugatan matapos mabagsakan ng natumbang puno at matamaan ng mga batong mula sa isang gumuhong riprap.

Nasa 900 pamilya o mahigit tatlong libong indibidwal ang apektado ng pagbaha sa mga probinsya ng Bataan, Zambales, Rizal at Batangas.

(UNTV RADIO)

Tags: Bagyong Butchoy