Bukas si Pangulong Benigno Aquino III sa pakikipagusap sa mga Senador kaugnay ng pagsasabatas ng panukalang Bangsamoro Basic Law.
Ito ay sa gitna na rin ng kwestyon ng ilang Senador sa legalidad ng ilang probisyon ng BBL.
Tiniyak ng Pangulo na binusising mabuti ang legalidad ng mga probisyon ng BBL .
Sinabi ng Pangulo na sa kaniyang ginawang pakikipagpulong sa ilang kongresista sa malakanyang, ipinakiusap niya na huwag i-delay ang pagpapasa ng bbl at hinikayat ang mga mambabatas na pagaralan ding mabuti ang panukalang batas.
Sa kasalukuyan ayon sa Pangulo, hinihintay lang niya ang magiging desisyon ng liderato ng Senado kung handa silang makipagpulong sa Malakanyang kaugnay ng mga kwestyon sa pagpapasa ng BBL.(Nel Maribojoc/UNTV News )
Humingi ng paumanhin si Pangulong Benigno Aquino III sa prime minister ng Canada dahil sa pagpugot ng ulo ng mga rebeldeng grupong Abu Sayyaf sa isang Canadian national na si Robert Hall nitong nakaraang Lunes matapos hindi maibigay ang hinihinging ransom money ng bandidong grupo.
Sa press conference na isinagawa ni PNoy sa Jolo, Sulu ngayong araw, sinabi nitong nakipagusap siya kay Prime Minister Justin Trudeau dahil sa dalawa na sa kanilang kababayan ang namatay.
Nagpapasalamat rin ang pangulo dahil sa pagsunod ng Canada sa no ransom policy sa dahilan na mababawasan nito ang interes ng sinoman na sumama sa hanay mga bandidong grupo.
Ikinunsidera rin ni Aquino ang pagpapatupad ng martial law sa Sulu subalit hindi ito itinuloy dahil sa walang katiyakan na magkakaroon ng positibong resulta ang nasabing hakbang.
Hiniling naman ng pangulo na lawakan pa ang pang unawa at sama-samang magtulungan ang mamamayan upang malutas ang suliranin ng bansa.
Nais rin ni Pangulong Aquino na kung maaari ay maisaayos na ang mga kasalukuyang problema upang hindi na ito maipasa pa sa susunod na administrasyon.
(Joms Malulan / UNTV Radio Correspondent)
Kinumpirma ni Pangulong Benigno Aquino The Third na kinausap na niya ang kampo ni Davao City Mayor Rodrigo Duterte.
Ayon sa Pangulo, kinausap niya si Mr Bong Go kahapon at pinahahatid ang mensahe kay Duterte na nagpabalangkas na siya ng isang administrative order kung saan itinatalaga si Executive Secretary Paquito Ochoa bilang pinuno ng transition team.
“I talked to Mr. Bong Go yesterday to relay to Mayor Duterte that an Administrative Order (AO) is being drafted designating the executive secretary as head of the transition team.” , pahayag ni Pangulong Aquino.
Dagdag ni Pangulong Aquino, inalok niya ang serbisyo ng mga miyembro ng kaniyang gabinete para sa mga pangunahing impormasyon at kaaalaman para sa maayos na pagpapalit ng pamamahala.
“I further offered that the cabinet stands ready to brief his team on any and all of their concerns. Lastly we are committed to effecting the smoothest transition possible.”, sinabi pa ng Pangulo.
(Nel Maribojoc / UNTV Correspondent)
Tags: isang administrative order, Pangulong Benigno Aquino III, transition team
Pasado alas onse kaninang umaga nang dumating sa Bicol si Pangulong Benigno Aquino The Third upang pangunahan ang inagorasyon ng ilan sa mga urban drainage improvement project ng Department of Public Works and Highways sa Region V.
Unang tinungo ng pangulo kasama ang ilang cabinet members at Albay local officials ang Yawa bridge sa Legazpi City.
Isa ito sa apat na tulay na ipinagawa sa ilalim Aquino administration.
Sa datos na ipinalabas ng DPWH umabot sa 1.7 bilyon ang inilabas na budget mula 2012 hangang sa kasalukyan para sa ginawang urban drainage improvement.
Kabilang na rito ang 4 na tulay, 3 pumping station, jetty structure, channel improvement or dikes, dredgings, box culverts at seawall.
Maaari umanong makatulong sa mga bahain lugar sa probinsya ang nasabing proyekto, kung saan nasa mahigit na 13,300 households ang makikinabang o katumbas sa 70,400 indibidwal.
Pagkatapos ng okasyon sa Legazpi City agad na tutungo ang pangulo sa Camarines Sur upang pangunahan din ang pagbubukas ng fish port sa Sabang, Calabanga.
(Allan Manansala / UNTV Correspondent)
Tags: BICOL REGION, Pangulong Benigno Aquino III, urban drainage improvement project
