Nanindigan si Pangulong Rodrigo Duterte na nirerespeto niya ang simbahang katolika sa kabila ng mga binitiwan nitong pahayag noon laban sa simbahan.
Ayon sa pangulo nais niyang mahinto ang mga insidente ng pagpatay sa ilang pari.
Ilang kritiko ng presidente ang nagsasabi na ang batikos ng punong ehekutibo laban sa simbahan ang napalakas ng loob sa mga responsible sa pagpatay sa tatlong paring katoliko sa nakalipas na anim na buwan.
Pero ayon sa pangulo handa siyang ilabas ang mga nakalap na ulat kung bakit napaslang ang mga paring sina Marcelito Paez, Richmond Nilo at Mark Anthony Ventura.
Una ng sinabi ng pangulo na posibleng pinatay ang isa sa mga ito dahil sa pagkakaroon ng relasyon sa iba’t-ibang babae.
Pansamantala namang tumigil ang pangulo sa kaniyang talumpati sa iloilo kahapon ng tumunog ang kampana ng simbahan.
( Bernard Dadis / UNTV Correspondent )
Tags: Pang. Duterte, pari, simbahan
Wala sa opisyal na kalendaryo ni Pangulong Rodrigo Duterte ang sumama sa mga kampanya ng kaniyang mga sinusuportahang senatorial candidates para sa May 9, 2022 Philippine General Elections.
Ayon kay acting presidential spokesperson at cabinet secretary Karlo Nograles, abala ang Pangulo sa kaniyang trabaho.
“Okay naman si Pangulo, busy with work. But with regard to physically joining mga senatorial candidates ay wala pong official entries in his official calendar to that effect”, pahayag ni Sec. Karlo Nograles. Acting Presidential Spokesperson, Cabinet Secretary.
Sa mga nakalipas na pagkakataon ay inendorso ni Pangulong Duterte sa pagka-senador ang kaniyang dating chief presidential legal counsel na si atty. Salvador Panelo, dating senador JV Ejercito, at dating presidential anti-corruption commission chairperson Greco Belgica.
Samantala, mahigit apat na buwan na lang bago sya opisyal na bumaba sa pwesto sa June 30, 2022. Subalit sa ngayon, wala pa ring pahayag ang Punong Ehekutibo kung sino ang susuportahan ng kaniyang administrasyon na hahali sa kaniya sa pagka-pangulo.
Rosalie Coz | UNTV News
Tags: May 2022 elections, Pang. Duterte
Hindi dapat pakialaman o pigilan ng alinmang ahensya ng pamahalaan ang Commission on Audit (COA) dahil ginagawa lang nito ang kanilang trabaho, ‘yan ang reaksyon ni senator Risa Hontiveros sa sinabi ni Pangulong Rodrigo Duterte sa kanyang gabinete kagabi (Aug. 17, 2021) na huwag nang pansinin ang ulat na nilalabas ng COA.
Sinabi pa ng Punong Ehekutibo na hindi na dapat isinasapubliko ng COA ang kanilang report dahil nakasisira lamang ito sa mga ahensiya ng gobyerno.
Si senator Juan Miguel Zubiri naman, sa halip na punahin aniya ang COA, mas magandang pagbutihin ng Department of Health at ng ibang ahensya ang kanilang trabaho batay sa nakitang deficiencies.
Samantala, ang anti-corruption group na Infrawatch PH ay sinabing kinontra na ng Pangulo ang kanyang kampanya laban sa kurapsyon at lumilitaw na pinoprotektahan pa nito ang mga katiwalian sa pamahalaan.
“Dahil mayroong katiwalian, dahil may nakikitang pagkukulang ay talagang gustong taluban ng Pangulo ang lahat ng institusyon pero mataas po ang tiwala natin sa historical role ng COA sa loob ng mahabang panahon,” ani Terry Ridon, Convener, Infrawatch PH.
Ang National Union of Peoples Lawyers, naniniwalang walang bahid ng politika ang ginawa ng COA.
“Hindi na tayo naubusan ng panggugulat mula sa ating Presidente, nakakabahala. Isa na naman ito sa mga latest na pananalita na medyo delikado ang implikasyon sa maraming dahilan. Una, ang COA ay isang dapat independiente na commission na constitutional,” pahayag ni Atty. Edre Olalia, President, NUPL.
Nakababahala umano ang naging pahayag ng Pangulo dahil tila gusto nitong kontrolin ang lahat ng ahensya kahit ang mga hindi na saklaw ng kanyang opisina.
Dante Amento, UNTV News
Tags: Migs Zubiri, NUPL, Pang. Duterte, Risa Hontiveros
METRO MANILA – Bawal ang mass gatherings kabilang na ang mga religious gathering sa National Capital Region, Laguna, Cavite, Rizal at Bulacan hanggang April 4 sa ilalim ng ipinatutupad na NCR plus bubble.
Sa gitna ito ng Covid surge sa bansa.
Subalit, may anunsyo ang roman catholic archdiocese ng manila na planong magbukas at magsasagawa ng religious worship sa 10% church capacity simula March 24.
Kaya naman nanawagan si Presidential Spokesperson Sec. Harry Roque sa mga ito na na huwag iisantabi ang panuntunan ng IATF.
“ That will be contrary po to the decision of the IATF and we ask bishop pabillo not to encourage, iyong disregard of IATF rules. Ito naman po ay para sa kabutihan ng lahat. at kasama din po sa obligasyon ng estado ay sumunod din doon sa mga talaga ng panginoon na mamuno. So, I hope the bishop will not encourage noncompliance po with this IATF decision.” ani Presidential Spokesperson Sec. Harry Roque.
Sakali namang balewalain ng mga simbahan ang mahigpit na pagpapatupad ng General Community Quarantine sa NCR plus bubble, mapipilitan aniya ang pamahalaang gumawa ng kaukulang aksyon.
Posibleng ipasara ang mga simbahang lalabag sa panuntunan at hindi ito maituturing na paglabag sa probisyon ng saligang batas kaugnay ng pagbubukod ng simbahan at estado.
“Ang defiance po ng IATF resolution is not covered by separation of church and state. What is covered is the freedom to believe and the freedom not to endorse a religion. Pero in the exercise of police powers, we can order the churches closed, huwag sana pong dumating doon, bishop pabillo. Wala po tayong makakamit na kahit anong objective if you will defy and you will force the state to close the doors of the church” ani Presidential Spokesperson Sec. Harry Roque.
(Rosalie Coz | UTV News)
