Dokumento vs police officials na sangkot umano sa illegal drug trade, Ilalabas ni Pang. Duterte

by Radyo La Verdad | April 3, 2019 (Wednesday) | 1087

METRO MANILA, Philippines – Ihahayag ni Pangulong Rodrigo Duterte ang dahilan kung bakit di matigil-tigil at bagkus ay tumindi pa ang suliranin ng bansa sa iligal na droga.

Aminado siyang hindi successful ang maigting niyang kampaniya dahil worldwide na aniya ang suliranin sa ipinagbabawal na gamot.

Ayon sa Punong Ehekutibo, ilalabas niya ang mga dokumentong magpapakita ng kaugnayan ng ilang tauhan at opisyal ng pulisya sa illegal drug trade.

Ginawa ng Pangulo ang pahayag ng dumalo ito sa campaign rally ng Partido Demokratiko Pilipino-Lakas ng Bayan o PDP-Laban sa Barangay Potreto, Malabon City kagabi, April 2, 2019.

“Ilalabas ko ‘yung dokumento bukas. Iyong  paano maglaro ang pulis sa droga, ‘yung mga opisyal; at bakit hindi mahinto-hinto. At bakit naman ‘yung mga pulis noon naka-assign sa anti-drugs hanggang ngayon sa anti-drugs pa rin, kaya pinaglalaruan ang Pilipino.” Ani Pangulong Duterte.

Samantala, ayon sa Punong Ehekutibo, may suliranin ang Malabon City hinggil sa law and order. Bagaman ‘di aniya siya nakatitiyak kung sangkot sa illegal drug trade ang local chief executive, ‘di naman aniya protektado ng opisyal ang mga mamamayan ng Malabon laban sa epekto ng ipinagbabawal na gamot.

Kaya ang ultimatum ng Pangulo sa Mayor ng Malabon City.

“Alam ninyo ang problema ninyo dito, law and order, ang Mayor ayaw niyang hintuin. I do not know kung Mayor kasali pero palagay ko hindi, pero yung protection niya sa mga tao niya, ‘di naman siya pwedeng magbigay araw-araw, yang shabu hinahayaan, ang tama niyan, anak ninyo,” pahayag ni Pang. Rodrigo Duterte.

(Rosalie Coz | UNTV News)

Tags: , , ,




Pangulong Duterte, binanggit ang posibilidad ng pagbuo ng isang bagong panel upang makipag-usap sa mga rebeldeng komunista

by erika endraca | April 15, 2019 (Monday) | 622

Manila, Philippines – Nabanggit muli ni Pangulong Rodrigo Duterte ang usapin sa pagkakaroon ng negosasyon sa mga rebeldeng komunista.

Matapos i-terminate ang appointment ng mga miyembro ng government peace panel at tuluyang ihihinto ang formal peace talks sa mga makakaliwang grupo.

Kung nais umano nilang muling makipag-usap  sa kaniyang administrasyon, willing siyang bumuo ng isang panel na binubuo ng tatlo hanggang limang miyembro na karamihan ay mga military official.

Ginawa ng pangulo ang pahayag sa PDP-Laban campaign rally sa Bukidnon, Sabado ng gabi.

Samantala, inihayag naman ng pangulo na posibleng mag-donate na muli ang Jordan ng isa pang helicopter sa Pilipinas.JBukod pa ito sa dalawang cobra attack helicopters na nakatakda nang i-deliver sa bansa sa hulyo ngayong taon matapos ang pagbisita ng pangulo sa jordan noong 2018.

Subalit, giit naman ng pangulo, ayaw niyang gamitin ang mga helicopter na ito sa pag-atake sa mga kapwa niya pilipino.

Tags: , ,




Pangulong Duterte tiwala na malapit ng masugpo ang Abu Sayyaf at Violent Extremism sa bansa

by erika endraca | April 11, 2019 (Thursday) | 702

Manila, Philippines – Tiwala si Pangulong Rodrigo Duterte na malapit ng masugpo ang violent extremism sa bansa dahil sa patuloy na pagtugis ng militar sa grupong Abu Sayyaf na isang isis-inspired terrorist group.

Ayon kay pangulong Duterte hindi na muling makapapanaig isis saan mang dako ng Pilipinas. Matatandaang nakubkob ng limang buwan ng Islamic-state linked militants ang Marawi City noong taong 2017, dahilan upang masalanta ang siyudad.

Ginawa ng punong ehekutibo ang pahayag nang dumalaw ito sa Jolo, Sulu kaalinsabay ng paggunita sa araw ng kagitingan.

“I am especially pleased with our military’s recent accomplishments against the abu sayyaf group . Your efforts have brought us even closer to our ultimate objective of totally crushing the violent extremism at its roots. With this, i can confidently declare that isis will never gain foothold anywhere in the Philippines.” ani Pangulong Rodrigo Duterte

Patuloy namang tiniyak ng punong ehekutibo ang ayuda ng pamahalaan para sa mga sundalo. Ipagpapatuloy din sa ilalim ng kaniyang administrasyon ang modernisasyon ng hukbong sandatahan ng Pilipinas.

 “I will continue to release 500 more and 500 more millions to my soldierswho do something for their country. Do not worry i have three years. I will see to it that you will have funds when you retire and that your school -ah your children and their schooling will be assured even if we are no longer there either by natural or by any other means of saying goodbye to this world. Huwag kayong ma-ano, sagot  i have your back covered.” ani Pangulong Rodrigo Duterte

Bukod dito, nagpahiwatig din si pangulong Duterte na muli siyang magtatalaga ng mga dating military official sa pwesto. Itinanggi naman ng pangulo na pinalalakas niya ang sarili sa militar.

 “Hindi ako sabihin na pinapalakas ko ang sarili ko sa military because i do not need that. The people elected me. But ako i have a special fondness for the military for being fundamentally honest at industrious. Ano lang ako sa bureaucracy because i have met several failures pati hindi mo mautusan nang matino. Puro corruption. Kaya as you would see, ‘yung unang the next few officials coming in would be military guys.” ani Pangulong Rodrigo Duterte

(Rosalie Cos | Untv News)

Tags: ,




Reklamong isinumite sa ICC vs. China,‘di makaaapekto sa relasyon ng PH at China – Pang. Duterte

by Radyo La Verdad | March 23, 2019 (Saturday) | 6636

MALACAÑANG, Philippines – Tila ‘di pinansin ni Pangulong Rodrigo Duterte ang isinumiteng reklamo sa International Criminal Court ng mga dating opisyal ng pamahalaan na sina former Foreign Affairs Secretary Alberto del Rosario at former Ombudsman Conchita Carpio-Morales laban kay Chinese President Xi Jinping.

Batay sa reklamo na isinumite kay ICC Prosecutor Fatou Bensouda noong March 15, dalawang araw bago opisyal na tumiwalag ang Pilipinas sa ICC, may plano umano ang China na kontrolin ang South China Sea at maituturing itong crimes against humanity.

Kabilang na dito ang agresibong pagtatayo ng mga artificial islands sa South China sea na nagdulot ng matinding environmental damage.

Ayon naman sa Punong Ehekutibo, karapatan ng mga complainant ito bilang mga Pilipino subalit iginiit na wala namang hurisdisyon ang ICC sa Pilipinas gayundin sa China.

“They are Filipino citizens and I think we’ll just also have to defend our position vis-à-vis sa kanila. They think they have a good case and I would say that there is no jurisdiction over this country and of China.” ani Pangulong Duterte.

Naniniwala naman si Pangulong Duterte na ‘di maapektuhan ng reklamo ang kasalukuyang ugnayan ng dalawang bansa.

(Rosalie Coz | UNTV News)

Tags: , , , ,




More News