METRO MANILA – Walang pinapanigan si Pangulong Rodrigo Duterte sa isyu ng prangkisa ng ABS-CBN broadcasting corporation. Sa katunayan, ayon kay Presidential Spokesperson Secretary Harry Roque ay nakikiusap ang Pangulo sa mga kaalyado niya sa Kongreso na aksyunan ito lalo na’t balik sesyon na ang mga mambabatas ngayon.
“Ang paninindigan ng Presidente, neutral po siya diyan. ‘Wag po kayong mag-alala, mga congressmen, ‘di po magagalit, ‘di po matutuwa ang Presidente kung inyong ipasa ang ABS-CBN. Completely neutral po ang President diyan. Vote as your conscience dictates, hindi-hindi po manghihimasok ang President sa inyong desisyon pero ngayong bukas po ang Kongreso, talaga pong Kongreso ang dapat magbigay ng prangkisa sa ABS-CBN,” ayon kay Sec. Harry Roque, Presidential Spokesperson.
Samantala, dinipensahan naman ng Palasyo si Solicitor General Jose Calida sa isyu ng ABS-CBN franchise.
Naging kontrobersyal si Calida dahil sa pagbibigay nito ng babala sa NTC na posibleng maharap sa graft charges ang mga commissioner nito kung maglalabas ng provisional authority gayong walang prangkisa ang network.
Ayon kay Secretary Roque, hindi dapat maimpluwensyahan ng Solgen ang NTC.
“Tapatan, yung chairman po ng NTC, ilang P-residente na po ang pinagsilbihan niyan. Wala pong pwedeng magsabi na nadidiktahan itong si chairman Cordova,” sinabi ni Sec. Harry Roque, Presidential Spokesperson.
Sa ngayon, pinag-aaralan naman ng pamahalaan na makapagbigay ng ayuda sa mga naapektuhang empleyado ng TV network sa pamamagitan ng subsidy program para sa mga micro, small and medium enterprises employees.
(Rosalie Coz)
METRO MANILA – Talamak pa rin ang gawain ng scammers na gumamit ng mga hindi rehistradong sim card sa kabila ng pagpapatupad ng sim card registration law ayon sa imbestigasyon ng Cybercrime Investigation and Coordinating Center (CICC).
Kaya patuloy ang paalala ng CICC sa publiko na huwag pansinin ang mga mensahe o tawag na magmumula sa mga hindi kilalang numero.
Bunsod ng problemang ito, makikipagtulungan muli ang CICC sa National Telecommunication Commission (NTC) para makahanap ng paraan kung paano matitigil an mga ganitong gawain.
May nakikita rin ang CICC na loopholes sa sistema ng mga telco kaya hinihintay rin nila ang paliwanag mula sa mga ito.
Paalala ng Cybercrime Investigation and Coordinating Center (CICC) mas maigi na huwag na itong patulan at i-report nalang sa mga kinauukulan.
METRO MANILA – Niratipikahan na kagabi (December 11) ng 2 kapulungan ng Kongreso ang P5.768-T na national budget para sa susunod na taon.
Sa Senado, tanging si Senate Minority Leader Aquilino “Koko” Pimentel Junior lamang ang bumoto laban sa ratipikasyon ng 2024 General Appropriations Bill.
Naarubahan na rin sa plenaryo ng Kamara ang pambansang pondo sa pamamagitan ng simple voice vote.
Pirma na lang ni Pangulong Ferdinand Marcos Junior ang kinakailangan upang ganap itong maisabatas.
Tags: 2024 Budget, Kongreso, PBBM
METRO MANILA – Nagbabala ang National Telecommunications Commission (NTC) Region 11 sa publiko, na huwag bumili ng rehistrado nang SIM.
Ayon kay NTC Region 11 Regional Director Nelson Cañete, kapag bibili ng SIM card, ang may-ari o ang gagamit nito syang magrerehistro. O di kaya’y magpatulong sa kakilala kung hindi marunong.
Ang babala ng NTC Region 11 ay sa gitna ng isyu na nakalusot sa mga telco ang litrato ng isang unggoy matapos nilang subukang irehistro ito sa SIM registration.
Ayon kay Cañete anomang problemang posibleng maidulot ng SIM, kung sino ang nakapangalan dito ay siya ang mananagot.
