Sinabi ni Pangulong Rodrigo Duterte sa kanyang ikalawang State of the Nation Address na ipinagutos na niya ang pagtataas ng assistance funds ng mga Overseas Filipino Workers.

Mula sa 400 million pesos, magiging isang bilyong piso na ang assistance fund.

Ayon sa pangulo layon nito na masiguro na napoprotektahan ang karapatan ng mga pilipino saan mang panig ng mundo.

Ikinatuwa naman ng mga pilipino sa ibang bansa ang magandang balitang ito.

Lalo na sa bansang Kuwait kung saan maraming OFW ang umuuwi ng Pilipinas na walang ipon, dahil hindi nasunod na pinirmahang kontrata o di kaya ay minaltrato ng amo.

Ikinatuwa rin ng mga OFW ang pagkakaroon ng Citizens’ Hotline and Complaint Center na 8888 kung saan maaaring idulog ng mga kababayan natin sa ibang bansa, ang hindi magandang pakikitungo sa kanila ng mga opisyal ng gobyerno.

Sa tala ng embahada ng Pilipinas, umaabot na ang sa 250,403 ang bilang ng mga pilipinong kasalukuyang nagtatrabaho sa kuwait.

(Mylene Soriano / UNTV Correspondent)