Habang papalapit na papalapit ang pagtatapos ng termino ng Pangulong Benigno Aquino III, ipinahayag nito na hindi sapat ang panahon ng kaniyang termino para maresolba ang lahat ng problema sa bansa.
Sa talumpati ng Pangulong Aquino sa Filipino community sa Chicago, Illinois sa America, ibinida ng Pangulo ang pagbaba ng unemployment rate at ang pagtaas ng foreign direct investments na mula sa $1.07 billion noong 2010 ay tumaas ito sa $6.2 billion ngayong taon.
Bukod dito, ipinagmalaki rin ng Pangulo na nasa 4.43 milyong pamilya na ang nakikinabang sa Pantawid Pamilyang Pilipino Program (4Ps) mula sa 800,000 noong nakaraang administrasyon.
Sa kabila nito, sinabi ng Pangulo na kulang ang anim na taon para matapos ang lahat ng kaniyang programa.
“Ito pong mga nabanggit ko sa inyo, preview pa lang po sa pagbabagong talagang natatamasa na natin. May kasabihan nga po: You ain’t seen nothing yet. Anim na taon po ang ating termino; hindi po natin sinabing mareresolba natin lahat ng problema ng Pilipinas sa naibigay sa ating panahon,” pahayag ng Pangulo.
Naniniwala si Pangulong Aquino na kung ipagpapatuloy ng susunod na administrasyon ang mga nagawang reporma ng pamahalaan ay lalong bubuti ang kalagayan ng bansa.(Jerico Albano/UNTV Radio)
Tags: 4Ps, Chicago, foreign direct investments, Pangulong Aquino, USA, working visit
METRO MANILA – Pinagiingat ngayon ng Department of Social Welfare and Development (DSWD) ang mga miyembro ng Pantawid Pamilya Pilipino Program (4Ps) hinggil sa kumakalat na pekeng post ukol sa payout schedule.
Ayon kay DSWD Assistant Secretary Irene Dumlao, may mga natatanggpa silang report hinggil sa kumakalat na post sa social media ukol sa umano’y mga petsa ng pamimigay ng ayuda at pangalan ng 4Ps na makatatanggap ng ayuda.
Paglilinaw ng DSWD, walang katotohanan ang kumakalat na post, at binigyaan diin na hindi nila isinasapubliko ang pangalan ng mga benepisyaryo alinsunod sa data privacy act.
METRO MANILA – Pinapaalalahanan ng Department of Social Welfare and
Development (DSWD) ang ating mga kababayan laban sa kumakalat na pekeng accountng kagawaran na “DSWD and 4Ps update”.
Ito ay hindi totoong account at sa ngayon ay nasa 354,352 na ang mga miyembro.
Pinagmumulan ito ng mga hindi totoong impormasyon at marami na ang mga nabibiktima sa ating mga kapwa. Kaugnay nito, patuloy na nagpapaalala ang DSWD na huwag basta-basta maniniwala sa naka-post sa group na ito at ilan sa mga miyembro dito ay nagpapakalat ng mga maling impormasyon sa program at serbisyo ng ahensya. At para makaiwas na maloko, bisitahin lang ang official accounts ng DSWD at ugaliing mag-verify at magsuri ng mga impormasyong natatanggap bago maniwala.
METRO MANILA – Ipagpapatuloy ng Department of Social Welfare and Development (DSWD) ang pamamahagi ng cash benefits sa 700,000 sambahayan matapos matuklasan na qualified pa rin ang mga ito sa Pantawid Pamilyang Pilipino Program (4Ps)
Sinuspinde ng DSWD ang benepisyong natatanggap ng 700,000 pamilya habang nakabinbin ang evaluation sa kanilang status noong umpisa ng taon.
Napagpasyahan na ipagpatuloy ang kanilang benepisyo matapos ang evaluation ng DSWD at 2 pagpupulong sa pagitan ng DSWD at ng House Committee on Poverty Alleviation na pinamumunuan ni Congressman Michael Romero.
Pagtitiyak ni Romero, makukuha pa rin ng 700,000 families ang kanilang benepisyo mula noong panahon ng kanilang pagkakasuspinde.
Tags: 4Ps, Cash Grants, DSWD
