Pangungunahan ni Pangulong Benigno Aquino III ang national commemoration ng 119th death anniversary at kabayanihan ng pambansang bayani na si Dr. Jose Rizal sa December 30.
Sa pahayag ni Presidential Spokesperson Edwin Lacierda, pangungunahan ng Pangulo ang flag-raising ceremony bilang paggunita sa death anniversary ni Rizal sa Luneta Park sa Maynila.
Kailanman aniya ay hindi lumiban sa naturang seremonya ang Pangulo sa panahon ng kaniyang panunungkulan.
Ngayong taon, ipagpapatuloy ng Pangulo ang pagkilala sa mga achievements ni Rizal na nagsilbing inspirasyon sa mga Filipino para maghangad ng kahusayan na dala ng pagibig sa bansa.
Ang December 30 ay is idineklara ng National Government na regular holiday sa buong bansa dahil sa pagdiriwang ng Rizal Day.
(Jerico Albano / UNTV Radio Reporter)
Tags: Miyerkules, Pangulong Aquino, pangungunahan, Rizal Day commemoration
