Pangulong Duterte at MNLF Founder Nur Misuari, magpupulong sa Davao City

by Radyo La Verdad | October 5, 2016 (Wednesday) | 1197

Kinumpirma ni Pangulong Rodrigo Duterte ang nakatakdang pakikipagpulong kay Moro National Liberation Front o MNLF Founder Nur Misuari.

Ayon sa pangulo, susunduin niya sa Jolo, Sulu si Misuari at dadalhin sa Davao City upang doon pag-usapan ang pangmatagalang kapayapaan sa Mindanao.

Una nang sinabi ni President Duterte na bibigyan niya ng safe conduct pass ang MNLF leader.

Samantala, hindi naman binanggit kung kailan isasagawa ang pulong ng dalawa.