Pasado alas sais kagabi sa Da Nang, Vietnam nang dumating sina Pangulong Rodrigo Duterte at ilan sa mga miyembro ng kaniyang gabinete.
Mananatili dito ang punong ehekutibo para sa Asia Pacific Economic Cooperation o APEC Economic Leaders’ Meeting hanggang araw ng Sabado.
Ayon sa Department of Foreign Affairs, magkakaroon din ng pakikipagpulong si Pangulong Duterte sa mga lider ng Vietnam, Russia at Papua New Guinea sa sidelines ng APEC Summit.
Layon nitong paigtingin ang ugnayan ng Pilipinas sa mga nabanggit na bansa at talakayin ang mga isyung may kinalaman sa pagsusulong ng ekonomiya, pagpapanatili ng seguridad sa rehiyon at iba pa.
Samantala, kinumpirma na rin ni Pangulong Duterte na kabilang sa tatalakayin nito sa bilateral meeting kay U.S. President Donald Trump ang isyu sa kalakalan at terorismo.
Posible ring mapasadahan ang isyu ng maritime dispute sa South China Sea. Unang pagkakataon na magkikita ng personal ang dalawang lider sa APEC Summit.
Samantalang sa Manila naman ay magkakaroon ng extensive bilateral meeting sina Pangulong Duterte at President Trump sa sidelines ng ASEAN Summit.
( Rosalie Coz / UNTV Correspondent )
Tags: APEC, Pangulong Duterte, Vietnam
Dumating na kahapon (Nov. 16) si President Ferdinand Marcos, Jr. sa Bangkok, Thailand para sa 29th Asia-Pacific Economic Cooperation Economic Leaders’ Meeting.
Pero bago pa man mangibang bansa ang Pangulo, mananawagan siya sa mga kasapi ng APEC na bigyang pansin ang mga isyu partikular na ang pagresponde sa nangyayaring climate change at ang pagtugon sa seguridad sa pagkain at enerhiya.
Tinanggap ang Pangulo, kasama si first lady Liza Marcos at mga opisyal ng gobyerno, ni Thailand Deputy Prime Minister Wissanu Krea-Ngam, Philippine Ambassador to Thailand Milicent Cruz Paredes, Defense Attaché Colonel Coderick Garcia, at iba pang opisyal mula sa Philippine Embassy at Royal Thai government.
Ligtas at maayos ang naging biyahe ni PBBM sa tulong na rin ng mga fighter jet na nag-escort sa flight pr001, lulan ang President
Allan Manansala| UNTV News
Tags: APEC, Pang. Ferdinand Marcos Jr.
METRO MANILA – Isinasapinal na ng Malakanyang ang listahan ng mga lider ng bansa na makikipagpulong kay Pangulong Ferdinand Marcos Jr. sa sidelines ng Asia-Pacific Economic Cooperation (APEC) Economic Leaders Meeting sa Bangkok Thailand mula November 16-19.
Ayon kay Foreign Affairs Assistant Secretary Eric Tamayo, nasa 6 na Heads of State ang maaaring makipagpulong sa pangulo.
Kabilang ang kapakanan ng mga maliliit na negosyo, Filipino seafarers at usapin sa food at energy security ang prayoridad na isusulong ng pangulo sa APEC Summit.
Ayon kay Foreign Affairs Assistant Secretary Eric Tamayo, tatalakayin sa APEC ang mga hamon sa pagbangon ng mga bansa mula sa pandemya dulot ng COVID-19.
Bukod pa rito haharap rin ang pangulo sa Filipino community sa Thailand. Ito ang kauna unang pagdalo ni PBBM sa APEC Leaders Summit.
Kauna-una rin ito na in-person meeting ng 21-member Regional Economic Bloc mula nang tumama ang pandemya noong taong 2020.
(Nel Maribojoc | UNTV News)
METRO MANILA – Batid ni Pangulong Rodrigo Duterte ang masamang epekto ng E-sabong operations sa mga pamilya.
Kaya naman humingi ito ng tawad sa publiko dahil sa pagpapahintulot nito sa bansa.
Ayon sa punong ehekutibo, nanghinayang siya sa kikitaing buwis ng pamahalaan.
Ginawa nito ang pahayag ng pangunahan ang inspeksyon sa National Academy of Sports sa New Clark City sa Capas, Tarlac kahapon (June 14).
Subalit ayon sa pangulo, napagtanto niya ang masamang epekto ng bisyo sa mga Pilipino.
“Kaya ‘yun ang naano ko, but I realized very late and I am very sorry that it had to happen. Hindi ko akalain na ganoon, hindi naman ako nagsusugal. I do not gamble, I do not drink anymore, only water. Pag na-dysfunctional, sige away. Maghiwalay ‘yan.” ani Pangulong Rodrigo Duterte.
Nitong nakalipas na buwan, iniutos ng presidente na agarang ipatigil ang e-sabong operations sa bansa.
Ito ay matapos magsagawa ng pag-aaral ang pamahalaan kaugnay ng negatibong social epekto ng sugal. Kabilang na ang pagkakalulong ng ilang naglalaro na nagreresulta pa sa pagbebenta ng kanilang mga anak.
(Rosalie Coz | UNTV News)
Tags: E-SABONG, Pangulong Duterte
