Handa siyang magbitiw sa pwesto. Ito ang muling hamon ni Pangulong Rodrigo Duterte kung mapapatunayan lang ng mga nagpaparatang sa kaniyang mga anak na sangkot ang mga ito sa katiwalian. Partikular na tinutukoy ng Pangulo ang kaniyang anak na si Davao City Vice Mayor Paolo Duterte o kilala rin sa tawag na Pulong.
Nakaladkad ang pangalan ni Pulong sa kontrobersyang kinakaharap ng Bureau of Customs na smuggling ng 6.4 billion pesos na halaga ng shabu mula sa China. Ginawa ng Pangulo ang pahayag nang pangunahan nito ang inagurasyon sa Solar Philippines Factory sa Sto. Tomas, Batangas.
Ayon pa sa Pangulo, 18-taong gulang nang mag-asawa si Pulong ng isang Muslim. Ang hanapbuhay ng pamilya ng napangasawa nito ay nagtitinda ng mga jar at ukay-ukay.
Ito rin aniya ang dahilan kung bakit di maitatanggi na madalas sa pantalan si Pulong. Sa huli, muling nangako ang punong ehekutibo na di niya kukunsintihin ang katiwalian sa ilalim ng kaniyang termino.
(Rosalie Coz / UNTV Correspondent)
METRO MANILA – Nagpaalala ang Bureau of Customs (BOC) sa mga Pilipino sa ibang bansa na piliing mabuti ang freight forwarding firms sa pagpapadala ng balikbayan box sa kanilang pamilya sa bansa.
Sa social media post, sinabi ng BOC na dapat piliin ng mga customer ang mga reputable forwarding company na accredited ng Department of Trade and Industry (DTI) para matiyak ang kaligtasan ng kanilang mga balikbayan box.
Ito ay matapos ang mga report na natanggap ng ahensya tungkol sa mga kaso ng abandonadong balikbayan boxes.
Sa kabuoan, nasa 15 na ang foreign at local forwarders o consolidators ang may mga kaso ng abandoned balikbayan boxes.
Ito ay ang kabayan Island Express Cargo, GM Multi Services Cargo, Allwin Cargo LLC, Sel Air Cargo, Manila Cargo, Sky Freight, Mediacom Express Cargo, CMS General Services, Pinoy Network Cargo WLL FZC LLC.
Habang ang mga local forwarders o deconsolidators na may kaso ng inabandonang padala ay ang FBV Forwarders and Logistics Inc.,, Etmar International Logistics, Cargoflex Haulers Corp., KC door to door delivery services, Rensworld Freight Logistics Corp., FGTI Forwarding Services, CMG International Movers.
Hinimok din ng BOC ang publiko na makipagugnayan sa ahensya kung may alalahanin o may karagdagang impormasyon sa kanila, sa pamamagitan ng Bureau of Customs – Customer Assistance and Response Service o BOC-Cares sa pamamagitan ng hotline number (02) 8705-6000 o sa pamamagitan ng email sa boc.cares@customs .gov.ph.
Tags: balikbayan boxes, BOC
METRO MANILA – Nagbabala ang Bureau of Customs (BOC) ang publiko laban sa parcel o love scam ngayong holiday season.
Pinapayuhan ng ahensya ang publiko na maging maingat sa mga tawag, mensahe o email na nagsasabing mayroong package o parcel na nakabinbin sa BOC na nanghihingi ng bayad para ito ay mailabas.
Dagdag ng ahensya, ang pagbabayad ng customs duties at taxes ay maaari lamang gawin sa BOC cashier o sa pamamagitan ng authorized agent banks.
Kung sakaling naging biktima ng scam, i-check sa website kung ang nasabing courier o forwarder ay accredited.
Maaari ding makipagugnayan sa BOC upang ma-verify kung ang resibo, tracking number at ibang dokumento na natanggap ay tunay o fake.
Tags: BOC
METRO MANILA – Hindi na ibebenta sa Kadiwa Stores ang Milyon-milyong Pisong halaga ng mga smuggled na puting sibuyas na nakumpiska ng Department of Agriculture (DA) at Bureau of Customs (BOC) sa ilang warehouse sa Maynila kamakailan.
Ayon kay DA Deputy Spokesperson Rex Estoperez, labag sa panuntunan ang BOC ang pagbebenta ng mga smuggled na agricultural products.
Bukod dito, nabubulok na rin umano ang mga sibuyas na kanilang nakumpiska.
Dahil dito, target muna ng DA na mailabas ang natitira pang suplay ng sibuyas sa mga cold storage facilities habang paunti-unti na ring nag-aani ang mga magsasaka ngayong Disyembre.
Tags: BOC, DA, Puting Sibuyas, Smuggled
